Audiénsia Ho PR Horta, Halo Investimentu No Timor Oan Sei Servisu Iha Brunei
SAPNewsTL, (Dili) : Embaixador Timor Leste ba Brunei Darussalam Abel Guterres ho Delegasaun Zamancartel Berhad Group Manpawer Agency (ZBGMA) hala’o enkontru ho Presidente da República Jose Manuel Ramos Horta iha Palasio presidensial Nicolau Lobato Bairo-Pite segunda feira ne’e.
Hafoin Hala’o sorumutuk ba Jornalista sira, Embaixador Timor Leste hateten, sei lori Joven Timor oan sira atu ba servisu iha Brunei Darussalam, inklui sei halo investimentu iha Timor Leste.
“Ohin Mai hasoru Presidente Da Republica, ko’alia kona ba oinsa mak atu bele lori Ita nia oan sira atu ba servisu iha Brunei Darussalam, no mos koalia kona ba investimentu Iha Rai laran ne’e, tanba ita presiza kria industria oinsa mak fo servisu ba ita nia ema iha Timor laran”. dehan Embaixador Timor Leste Abel Guterres.
Embaixador ne’e akresenta ema ne’ebe ba hala’o servisu tenki asina kontratu no tetu didiak molok haruka ba.
“Prosesu ne’e la’o dadauk ona, wainhira aviaun mai foti sira mak ita koalia barak. ema ne’ebe sai tenki presiza asina kontratu, sira agora ba ne’e iha area hospitalidade no seluk seluk, maibe agora ne’e iha area hospitalidade lai, ne’e primeira vez ita hakat ba rai ida iha azia sira atu servisu ba, ita sei tetu halo didiak ne’e para sasan hotu-hotu la’o diak”. hatete Embaixador Timor Leste iha Palasio presidensial Nicolau Lobato Bairo-Pite.
Entertanto delegasaun husi Brunei ne’e mos koalia ho Presidente Repúblika, kona ba investimentu industria oioin mak hanesan, fabrika, Turismo, Servisu hotel,iha restaurate no fabrika roupa.
Jornalista : Vinsensius Saldanha Morais De Araujo
Editor : Luis Pailofo