UDT Preokupa Loke Bola Guling Komemora Loron Nasionál
SAPNewsTL, Dili, : Relasiona ho atividade Bola Guling, Deputadu Bankada Uniaun Demokrátiku Timor (UDT) Francisco David Xavier Carlos lamenta tebes tanba fo impaktu ba joven sira, atu komemora loron nasionál ho bola guling ne’e laos buat ida ne’ebe edukativu tuir lolos iha expoxisaun halo hanesan feria hodi tau imagen herois da patria sira
“Agora bola guling ne’e rasik, ita haree laos edukativu, governu halo buat sira hanesan ne’e bele implika ba jerasaun foun sira ne’ebe ate agora sira mete jogu sira ne’e, diak liu maka ita halo feria espoxisaun konta historia herois da patria sira buat ida hanesan edukasaun ida ba ita nia jerasaun foun sira hodi bele hametin sira nia ispiritu patriotismo nacinalismo ida ne mak los”. Dehan Deputadu UDT ne’e iha Parlamentu Nasonál, Dili, 22/08/2022
Entretantu, Deputadu ne’e sublinha atu garante desenvolvimentu presiza hametin paz no estabilidade nasionál
“Ita bele garante dezenvolvimentu, bainhira ita iha paz, sosiedade Timor tenki iha garantia ba paz no estabilidade para dezenvolvementu bele ba la’o oin hodi benefisia ba ita nia povu”. Dehan nia iha resintu parlamentu
Nia preokupa ho situasaun atual ne’ebe jerasaun foun dezorganizadu maibe nia mos husu atu hadia povu nia moris
“Ita haree situasaun atual, trasforma karakter jerasaun foun dezoranizadu mais ita labele lakon esperansa maibe ita tenki buka hadia nafatin povu ne’e moris hakmatek iha paz no armonia”. Nia hatete
Jornalista : Ermelinda Soares
Editor : Luis Pailofo