Komemora Loron FALINTIL, Juventude Bazartete Kria Atividade Juvenil
SAPNewsTLl, Likisa : Juventude Suku Ulmera Postu Administrativu Bazartete Munisipiu Likisa realiza jogu desportiva hanesan Futebol, Korida Bisikleta, Sertame no Dada-Tali hodi komemora loron 20 de agostu, objetivu husi jogu ne’e atu fo fanun ba foinsa’e sira hodi hatene tane no valoriza luta FALINTIL sira nian
Tuir Xefe Suku Ulmera Martino Correia hateten Ohin loron importante 20 de Agostu hodi priense ho atividade sira hodi valoriza loron nasional FALINTIL nian. Kria atividade hirak ne’e hodi hametin lasu amizade ne’ebe diak liu entre joven ho joven sira iha Suku Ulmera Postu Bazartete
“Liu husi aktividade hanesan ne’e bele anima ita hotu, atu ita bele ajuda malu karik iha fatin ruma akontese problema tanba ita koñese malu hanesan suku ulmera oan, hametin ita nia unidade, armonia no damen entre ita hotu hanesan Bazartete oan”, Dehan nia iha kampu futebol Kasait Ulmera, 20/08/2022.
Nia salienta, iha jogu futebol ne’e partisipa husi klubu sanulu resin ida (11), hetan suporta orsamentu husi husi klubu sira rasik, kada klubu ida kontribui $25.00, total orsamentu $275.00, purtantu, atividade refere sei ensera iha 30 de agostu fulan ne’e.
Enkuantu, Atividade ida ne’e mos hanesan preparasaun ida hodi inaugura Sede Aldeia no atu reativa tara bandu iha suku refere iha fulan oin
Jornalista: Justino de Jesus Soriano & Antonio Altamirando