BNCTL Sai Patrosinador Ba Jogu CPLP 2025
Imajem : Ministru Juventude Desportu Arte Kultura (MJDAC) Nelyo Isaac Sarmento selebra akordu ho BNCTL iha nia knar fatin, Lecidere, Dili,30/05/2025.
SAPNewsTL, Dili : Banku Nasional Komersiu Timor-Leste (sigla portuges BNCTL) sai ona patrosinador ba jogu CPLP 2025,hafoin asina akordu ho governu liu husi komisaun organizador iha loron 30 fulan maiu 2025.
Augusto dos Santos – SAPNews
โOhin loron 30 fulan maiu 2025, ita asina akordu kooperasaun ho patrosinador BNCTL hodi sai patrosinador prinsipal ida atu fo apoiu ba Jogu CPLP XII tinan 2025 iha Timor-Leste, lori governu nia naran ha’u fo agradese tebes ba vontade BNCTLโ, dehan Ministru Juventude Desportu Arte KulturaNelyo Isaac Sarmento ba jornalista iha nia knar fatin, Lecidere, Dili sexta (30/05/2025).
Ministru hatutan, akordu patrosinador BNCTL sei apoiu masimu ba governu liuliu ba komisaun organizador jogu CPLP, BNCTL sei apoiu nesesiade sira komisaun presiza liu hosi fasilita transporte ba komisaun no delegasaun sira husi nasaun sira husi CPLP neโebe partispa jogu.
“Fasilita transporte no mos uniforme ba komisaun sira durante jogu, apoiu publisidade sira ba jogu CPLP”.
Nelyo informa tan, apoiu husi BNCTL neโe meiu diak liu tan ba governu hodi halaโo jogu susesu no mos hatudu oinsa organizasaun privada sira seluk bele apoiu atividade sira inklui desportiva iha Timor-Lese no mos nasaun sira iha CPLP.
Governante neโe afirma tan, apoiu BNCTLiha jogu CPLP tinan neโe hatudu ba instituisaun privadu no publiku sira bainhira servisu hamutuk. Timor-Leste sei sai forti liu tan iha futuru no mos loke posibilidade ba eventu internasional sira seluk mai iha Timor-Leste.
Iha fatin hanesan, Presidente Ezekutivu Marcelo da Cruz Carvalho hatete, sira sei apoiu jogu CPLP ho ekipamentu sira hanesan uniforme ba komisaun sira, podium, transporte no pubilisidade sira ba jogu neโe rasik.
โAmi sei apoiu jogu CPLP ho ekipamentu sira hanesan uniforme ba komisaun sira, podium, transporte no pubilisidade sira ba jogu neโe rasik, total orsamentu ita aloka ba ekipamentu sira no sira seluk apoiu ba jogu CPLP 2025 iha Timor-Leste ho montante 90.000 USDโ tenik Marcelo
Marcelo salienta tan, ba apoiu sira neโe sira hein deit parte husi komisaun organizador bainhira sira entrega apoiu sira neโe tanba BNCTL prontu ona.
Entretantu, jogu CPLP 2025 iha Timor-Leste sei hahu iha loron 17ย to’o 27 fulan Jullu 2025.
Atleta nain-116 husi modalidade 9 inklui paralimpiku mak sei kompete jogu desportivu CPLP 2025, jogu sira sei uza maka estadium munisipal Dili, jinaziu desportu Dili, kampu tenis Liceu, kampu voleibol praia Lecidere, kampu basketebol MJDAK no kampu futebol Becora.