Brazil Seidauk Iha Informasaun Partisipa Jogu CPLP 2025 Iha Timor-Leste

Imajem : Koordenador komisaun organizador jogu CPLP 2025 Jorge Cristovão iha edifisiu MJDAC Lecidere, Dili, 11/06/2025

SAPNewTL, Dili: Nasaun Brazil seidauk iha informasaun partisipa jogu CPLP 2025 iha Timor-Leste tanba seidauk fo informasaun ba komisaun organizador ba jogu CPLP nian.

Augusto dos Santos – SAPNews

“Ohin, ami enkontru hamutuk ho pontu vokal husi lina ministerial involve iha komisaun ba jogu CPLP 2025 iha Timor-Leste tuir rezolusaun konsellu ministru no. 64/2024 loron 18 fulan novembru”.

“Nune’e ami fahe informasaun ba malu katak delegasaun husi nasaun Angola, Cabo Verde, São Tome e Principe, Moçambique, Portugal, Guine Bissau no Guine Equatorial sei to’o Timor-Leste iha loron 17 fulan jullu 2025 maibe hela Nasaun Brazil mak seidauk iha infromasaun ba partisipa jogu CPLP 2025 iha Timor-Leste”, Koordenador komisaun organizador jogu CPLP 2025 Jorge Cristovão ba jornalista sira iha edifisiu MJDAC Lecidere, Dili, 11/06/2025.

Koordenador hatutan, liu husi enkontru ne’e sira mos halo diskusaun kona ba preparasaun, seguransa, saude no atendimentu protokolu nian ne’ebe hetan husi sekretariadu CPLP nian.

Tuir informasaun provizoriu delegasaun husi nasaun Angola hamutuk ho Cabo Verde, São Tome e Principe no Moçambique husi Angola, sira sei to’o iha Aeroportu RAEOA iha loron 17 fulan jullu 2025 iha dader tuku 10;00 OTL kontinua Aranka mai Dili.

“Nune’e ita kolabora ho parte Ministeriu Transporte no Komunikasaun no mos Aero Dili, delegasaun husi Portugal, Guine Bissau no Guine Equatorial no mos sei to’o Dili loron 17 fulan jullu 2025, tan ne’e sei kolabora ho Aero Dili hodi tula sira husi Denpasar Bali mai Dili”.

Nia salienta tan, depois enkontru sira sei aprezenta fila fali ba konsellu ministru tuir rezolusaun konsellu ministru no. 64/2024 hodi hetan apresiasaun atu bele realiza jogu CPLP 2025 iha fulan jullu.

Jogu abertura rasik sei realiza iha Estadium Munisipal Dili husi modalidade futebol.

Sekretariu Estadu informa infraestrutura sira daudaun ne’e halo hela reabilitasaun sei remata hotu iha semana ikus fulan junu nian maka Estadium Munisipal Dili, Jinajiu Desportu Dili, Kampu Tenis Liceu no Kampu Voleibol Praia Lecidere”.

Fatin ba delegasaun sira atu hela, komisaun teknika hare’e ona tanba uma nain ida bele tama kriteria ba realiza jogu CPLP tenki iha infraestrutura, otel no sira seluk.