CAC Realiza Workshop Avaliasaun Risku Korupsaun, MS Husu Ema Hotu Kumpri Lei

DILI- Ministra Saude Partisipa iha workshop kona ba Avaliasaun risku korupsaun iha aprovizionamentu kona ba setor saúde iha Timor-Leste ne’ebe realiza husi Comisaun Anti Corupsaun (CAC), Iha Intrevista Ministra Saude Maria Odete Freitas hateten ema hotu tenki hatene kumpri lei

 “Ohin Ministra Saude partisipa workshop hamutuk ho comisaun anti corupsaun i hamutuk mos ho ita nia parseiro Dezenvolvimentu  UNODC ne’ebe mak tau atensaun ba iha setor saude nian ne’ebe ohin realiza seminario ida ne’e importante tebes tanba saude mak sei centru ba ita hotu nia atensaun”dehan Ministra Saúde Maria Odete Freitas Belo ba Jornalista sira iha Salaun Hotel Timor, 06 Junho 2022.

Ministra ne’e akresenta hanesan ema professional saúde wainhira koalia konaba korupsaun liafuan ne’ebe mak ema hotu hanoin hela mak hanesan ida mak la kumpri regras teknologika sira nian ho saude i Ministra sira seluk la koalia barak konaba assuntu  etika ekologia nian, liga kedas ho regras Administrasaun publiku sira nian.

ʺIta mos ko’alia konaba ita sempre infrenta konaba abuzu de poder no konflitus impreza i krimi sira balun ne’ebe mak ita halo ne’e ita hatene liu-liu iha area aprovizionamentu ne’ebe hanesan MS  hateten katak korupsaun iha ligasaun ho lei iha relasaun lubuk no normas sira ne’ebe mak iha Administrasaun publiku״. Nia fundamenta

Nia husu ema hotu  tenki kumpri lei, nia konsidera seminario no workshop ida ne’e importante tebes bele ajuda ema hotu atu aprende barak liu tan saida mak iha seminario ne’e liliu konaba korupsaun

“Dalaruma ita hanoin korupsaun ne’e mosu iha bainhira ema halo aprovizionamentu maibe korupsaun ne’e mosu bainhira ita tarata dokumentus balun i ko’alia konaba konflitus imprensa mos hanesan ho dokumentus sira ne’ebe ita kria no kondus hanesan, MS hatene katak korupsaun iha ligasaun ho dokumentus sira balun maibe ita mak tenki kumpri maibe ita la kumpri lei mak hakarak ga lakoi ita tenki ba hatan״. Tenik nia

Nia hatutan MS mos sei hamutuk ho governu TL hodi bele hola ro-ahi ga aviaun hodi bele transporta lais ita nia pasiente sira hodi bele mai lais hetan atendimento hanesan maluk sira ne’ebe mak iha RAEOA no mos atauro sira persija mos hetan tratamentu ne’ebe lais.

 “Nune’e mos ita nia pasiente sira hetan tratamentu ne’ebe lais husi ita nia professional saude sira, MS iha inisiativa boot atu hola ro ahi i no mos aviaun hodi bele transporta ita nia pasiente sira husi tasi sorin mai hetan tratamentu iha ita nia kapital Dili,”hakotu nia

Jornalista  :Lidia Amaral

Editor       :Aquelina da Conceição Magalhaes