MSSI no MS Asina Programa Bolsa da Maê Ba Inan Isin Rua no Kosok Oan
Dili-Ministériu Solidariedade Sosial no Inkluzaun (MSSI) atuál Vise Primeira Ministra Armanda Berta dos Santos no Ministéra Saúde Maria Odete Viegas Asina Diploma Ministerial kona ba Bolsa da Maê ba Gerasaun foun, Objetivu husi programa ne’e atu reduz númeru mal nutrisaun iha Timor-Leste.
Tuir Vise Primeira Ministra Armanda Berta dos Santos Hateten ohin Ministerio Solidariedade Sosial Inklusaun no Ministerio Saúde Asina Diploma Ministerial konjunto ida ba projetu Bolsa da Maê ba gerasaun foun ba munisipio tolu(3) hanesan Bobonaru Ainaru no RAEOA ne’ebe mak presidente promulga tiha ona iha parte implementasaun no presisa halo diploma ministerial hodi bele asegura.
“Atu nune’e ida idak haree tuir nia kna’ar parte saúde nian mak ida ne’ebe no parte Ministerio Solidariedade Sosial no Inkluzaun mak ida ne’ebe tanba ida ne’e mak hatur iha diploma ministerial no ida ohin ho Ministra Saúde bele Asina Diploma Ministerial ida ne’e no ohin loron lansa hodi bele registo iha fulan ida depois bele halo pagamentu.” Dehan Vise Primeira Ministra ba Jornalista iha MSSI Kaikoli Segunda Feira(07/06).
Vise Primeira Ministra no Ministra Solidariedade ne’e akresenta, Ba Inan isin Rua sei hetan 15$ dolares depois labarik moris mak labarik mak hetan 20$dolares kada fulan no husi zero to’o seis anus, Sekarik labarik moris mai mak nia defisiente ita tan 10$ dolar hamutuk 30$ dolar.
ʺKona ba lansamentu iha munisipiu tolu(3) ne’e ita bele halo iha ainaro ou bobonaru no munisipio sira seluk, tuir planu bolsa de mãe ba gerasaun foun no bele aumenta munispio (6)ou (7) maibe ita haree lai nia progressu ba iha implementasun munisipio tolu ne’e, se ita hakarak buat hotu lao di’ak ita bele redus duni mal nutrisaun iha ita nia nasaun no bele altera tan ba 13 munisipio״. Tenik VPM no MSSI Armanda Berta
Enkuantu, objetivu husi programa bolsa da mãe atu bele reduz mal nutrisaun iha Timor-Leste hodi garante moris diak no hijiene ba inan isin rua sira no kosok an sira, tuir planu programa bolsa da mãe ne’e sei realiza uluk ba munisipiu Ainaru, Bobonaru no RAEOA
Jornalista : Aquelina da.C. Magalhães&Ermelinda Soares