Komemora Loron Mundial Ai-Han, WHO Husu Ema Hotu Servisu Makaas

DILI- World Health Organization(WHO)  servisu hamutuk ho AIFAESA, Ministeriu Agrikultura, Ministeriu Turizmu Komersiu Industria, Laboratorium Nasional,no Ministeriu Saùde Komemora Loron Mundial Ai-han seguru ba saùde ida diak liu, Dr. Arvind Marthur hateten atu hetan aihan ne’ebe seguru ema hotu kuda no servisu makaas

Tuir representante WHO Dr. Arvind Marthur hateten katak komemorasaun Ai-han mundial ida ne’e nu’udar oportunidade atu fahe formasaun kona ba saida mak Ai-han seguru no atu hatene katak,la iha nutrisaun,entaun seguransa alimentar sem iha ai-han seguru.

“Liga ho ai-han seguru Timor-Leste ita sempre iha oportunidade atu bele hadia,maibe ida ne’e ita presiza servisu makas atu garante ai-han ne’ebe ita konsumu,hahu husi kuda too bainhira mai tama iha ita nia meza hahan sira ne’e seguru ita presiza mós esforsu inklui ho politika no seluk tan”. Dehan representante World Health Organization(WHO) Dr. Arvind Mahtur ba journalista iha fatin Largo de Lecidere Segunda-feira,06/06/2022.

Nia hatutan World Health Organization(WHO)   mós servisu hamutuk ho AIFAESA, Ministeriu Agrikultura, Ministeriu Turizmu Komersiu Industria, Laboratorium Nasional,no Ministeriu Saùde ho nia departamentu sira.

“Ami haree politika no ami haree saida mak ami bele halo atu ajuda no haforsa liu tan sistema ai-han seguru iha Tmor-Leste” Tenik nia.

Iha fatin hanesan, Director Jeral Profisional Saùde Interno Dr. Nilton do Carmo da Silva hateten Planu Estratejia husi sira nia Departamentu Nutrisaun 2022-2026, Ministeriu nia papel asegura hahan ne’ebe mak seguru ba ita nia konsumidor sira no mós ba sira ne’ebe mak prepara hahan.

“ita hotu-hotu hatene katak hahan ne’ebe mak saùde no seguru, hahan ne’ebe mak diak no seguru ba ema, ba ema ne’e iha ne’ebe deit husi Timor To’o global ne’e esensial tebes, Ministerio Saùde hola parte iha promasaun no mós prevensaun atu asegura katak,hahan sira ne’e seguru duni ba ita ninia maluk konsumidor sira no populasaun sira hotu” akresenta nia.

Enkuantu, Director Jeral Profisional Saùde Interno ne’e akresenta, Ministeriu Saúde ninia papel atu asegura hahan ne’ebe seguru ba ema hotu no oinsa mak bele prevene moras ne’e la bele hadaet liu husi hahan.

Reportajen   : Benezea C. Dos reis

Editor           : Conzita mota