YESA Produz Graduadu 23, Diretor Tiago: YESA Nu’u Matan No Lian Ba Jovens
DILI- Sentru Formasaun Youth Empowerment Sustainability Association (YESA) halo serimonia Graduasaun dahuluk ba formandu sira hamutuk Ruanulu Resin tolu (23), Diretur Tiago dos Santos hateten YESA Ezite ho ispiritu voluntarizmu hakarak sai matan, tilu no lian ba joven sira iha Timor-Leste
Tuir Diretor Ezekutivu Tiago dos Santos hateten YESA ho lian Inglesh dehan Empowerment Sustainability Association, katak Assosiasaun hakbi’it Joventude Sustentabilidade, hanesan organizasaun Non Governamental ne’ebe mak Joventude sira mai ho Espiritu Voluntarismo ne’ebe funda iha loron 25 Julho 2021.
“Atu hakbi’it Joventude sira no atu identifika direitu ema hotu nian liu-Liu ami Foka ba igualidade hodi kontribui ba partisipasaun Desenvolvimento Nasional no promove Emprendorismu hodi redus desigualidade Nasional iha Sosiedade nia le’et, Tan ne’e YESA Nu’udar Matan, Tilun no lian ba Joven sira”. Dehan Director Ezekutivu Tiago ba Jornalista sira iha Beto Comoro, Dili Sabadu (04/06/2022).
Nia Hatutan, Iha Era Ukun rasik aan ne’ebe presiza tebes presensa Joven sira liu hosi edukasaun agrikultura hakbi’it feto sira hodi hamutuk hodi kontribui ba prosesu Desenvolvimento Nasaun nian.
“Liu hosi asaun ne’ebe mak YESA sei halo atu transforma Edukasaun ne’ebe naun Formadu ba Joven iha area oioin hodi hasa’e no kapasita konesimento abilidade Joventude sira nian, YESA hakarak kapasita sira liu hosi Treinamento no kultu koperativa sira mak hanesan kria grupo Alfaiate ba servisu sira ne’ebe mak kompostu hosi grupo ne’e, Tamba Edukasaun hanesan tasi ne’ebe la iha ninin tamba ne’e aprende laiha limitasaun”. Hateten Nia
Iha fatin hanesan, Graduada Alexandrinha apresia tebes ho Youth Empowerment Sustainability Association
(YESA) tanba liu hosi organizasaun ida ne’e bele aumenta ona sira nia konesementu konaba liu-Liu parte Lingua Inglesh
“Ha’u Fiar katak buat ne’ebe hau aprende ona iha centru ida ne’e, ha’u sei Desenvolve ka implementa kunesementu ne’ebe mak ha’u hetan ona iha sentru formasaun ida ne’e”. Nia hakotu
Entertantu iha serimonia graduasaun ne’e hetan partisipa husi Diretor EGOTIL of Eno, Autoridade local, Familia Formador sira, no formandu estudante 23 ne’ebe produz husi Youth Empowerment Sustainability Association (YESA).
Jornalista : Justino De Jesus Soriano
Editor : Benezia C. dos Reis