AJTL Konsidera MAPKOMS Hakanek Liberdade Imprensa, Francisco: La Impede Servisu Jornalista
SAPNEWSTL- AJTL konsidera Asaun Legal ne’ebe Ministro Asunto Parlamentar e Komunikasaun Sosial (MAPKOMS) Francisco Martins da Costa Pereira Jeronimo foti ne’e nu’udar aktu impendementu no ameasa ba aktividade jornalistiku no liberdade imprensa iha Timor-Leste nu’udar pais demokratiku iha sudeste aziatiku.
Iha ámbitu komemorasaun Loron Mundiál Liberdade Imprensa nian, dia 03 de Maiu 2022, liu ba marka istória foun ida ba dezemvolvimentu média no jornalizmu iha Timor Leste tanba index-rangking liberdade imprensa pais foun ne’e nian haksoit-liu husi 71 ba 17. Index liberdade imprensa Timor-Leste ne’ebe mundialmente haksoit aas-liu nu’udar orgullu ida ba estadu no povo Timor-Leste tomak iha prosesu demokratizasaun prosesu hametin dezenvolvimentu nasional pais nian.
Iha kontestu politiku modernu, Kualidade demokrasia iha pais ida depende ba kualidade komunikasau entre sidadaun sira ne’ebe dadauk ne’e ukun ka iha poder liu husi kobertura no publikasaun ne’ebe livre sein iha presaun, Ameasano impedementu husi parte ruma.
Tuir Presidente Asosiasaun Jornalismu Timor-Leste (AJTL) Jevonia Vieira deklara katak misaun principal jornalizmu dadauk ne’e mak atu promove no defende interese ema barak nian liu husi publikasaun produtu jornalistika ida ne’ebe kontribui ba direitu publiku nian atu asesu informasaun loloos no kredivel.
Tan ne’e, (AJTL) haree katak desizaun Ministru Asuntu Parlamentar no Komunikasaun Sosial (MAPKOMS), Francisco Martins da Costa Pereira Jeronimo hodi lori Xefe Redasaun Hatutan.com, Francisco Belo da Costa ba prosesu legal iha tribunal hakanek ka mencederai index-ranking liberdade imprensa ne’ebe hetan.
“Tuir Presidente AJTL, hatutan.com nia reportajem investigativu kona ba kazu projetu instalasaun se-top box RTTL. E.P. ne’e nu’udar puru produtu jornalistiku ne’ebe bazeia faktu no realidade tuir sirkunstansia ne’ebe la’os lia-falsu, Hoax ka fitnah. Tan ne’e AJTL konsidera Sr.Francisco Jeronimo nia aktu uza Código Penal, Artigu 285 kona-ba denunsia kalonioza ka fitnah hodi akuza Xefe Redasaun Hatutan.com nu’udar aktu anti-boa Governasaun iha kontestu demokrasia tanba reportagem investigativu Hatutan nian kona-ba kazu projetu instalasaun set-top box Rttl.e.p. nian nu’udar papel (watchdong) ka sosial Controller midia atu salva estadu nia osan husi governante sira ne’ebe komete abuza podér ba sira interese pesoal”, Dehan Jeovania ba Jornalista sira iha sede AJTL Fatuhada Dili, Quinta (02/06/2022).
Presidente ne’e hatutan tan justifikasaun sira ne’ebe temi nu’udar valor prinsipiu jornalista sira proteje no defende tuir objetivu jeral asosiasaun jornalista nian. The Article 19-konvensaun
internasional diretu sívil polítika no konstituisaun RDTL-Artigu 40 no 41, Bazeia ba prinsipiu ho valor sira ne’ebe temi mak AJTL nu’udar organisaun mahon ba jornalista Timor oan hotu-hotu.
“Ami kondena maka’as desizaun MAPKOMS, Francisco Jeronimo nian hodi lori Xefe Redasaun Hatutan.com ba prosesu legal tanba ida ne’e nu’udar atentadu ameasa ba jornalizmu, Liberdade imprensa no Liberdade espresaun ne’ebe kontituisaun RDTL garante, Lamenta prosesu legal refere tanba MAPKOMS la kompriende jornalista ho mídia nia papel kontrolu sosiál liga ba boa governasaun iha kontestu demokrasia no laiha kapasidade atu distingi entre asuntu privasidade ho interese ema barak nian”. nia fundamenta
AJTL husu ba MAPKOMS Francisco Jeronimo atu imediatamente retira ka dada hikas prosesu legal ne’ebe hatama ona iha ministériu públiku atu kazu ne’e resolve liu husi prosesu mediasaun iha Conselho de imprensa
Maske nune’e, maibe antes ne’e MAPKOMS Francisco Martins da Costa Pereira Jeronimo hateten ona katak, MAPKOMS la impede servisu liberdade imprensa nian, nia hateten husik tribunal hala’o nia servisu tuir dalan legal, tanba konsidera Reportagem ne’ebe Xefe Redasaun hatutan.com publika ne’e kona ba nia dignidade pessoal ka soke privasidade humana.
Enkuanku, AJTL mos husu Primeru Ministru Taur Matan Ruak (TMR), atu foti desizaun no medida forte hasoru MAPKOMS Francisco Jeronimo tanba asaun ne’e legal ne’ebe nia foti hodi lori Hatutan.com nia Xefe Redasaun ba Ministériu Públiku estraga imagen Timor-Leste nian nudar pais demokratiku ida iha mundu.
Jornalista : Justino de Jesus Soriano
Editor : Natalino Paulo da Silva