CCF Proklama TL Ho Demokrasia, PR Horta : Polítika Labele Influensia Setor Justisa

SAPNewsTL, Manatutu : Iha serimónia Nasionál Komemorasaun Proklamasaun Independénsia 28 Novembru ba dala 47 ne’ebe realiza iha munisipiu Manatutu orseik, Iha Diskursu Presidente Repúblika Jose Ramos Horta hateten Komite Sentra Fretilin (CCF Sigla Portugues) mak proklama Repúblika Demokrátika Timor Leste tanba hakarak Demokrasia no Justisa

“Tanba sa maka CCF mak temi Repúblika Demokrátika Timor Leste tanba hakarak duni rai ida ne’e nia airin mak demokrasia ho lei no demokrasia ho Justisa, ita iha ai-rin haat maka Presidente Repúblika, Parlamentu Nasionál, Guvernu no Tribuna. Ita tenki matan moris neon na’in nafatin hodi servisu hamutuk ba direitu ba edukasaun no direitu públiku sira”. Tenik PR Jose Ramos Horta iha Nia Diskursu, Manatutu, 28/11/2022

Xefe Estadu ne’e haktuir loron 28 Novemvvru maka loron ne’ebe Timor Leste deklara nia independénsia iha ne’ebe hari’i Sistema ne’ebe proteje liberdade, liberdade ba Sistema ekonomiku, sosial no liberdade hotu-hotu

Presidente Ramos Horta konsidera setor justisa importante tebes, liafuan justisa ne’e todan, entaun Xefe Estadu ne’e sei kontinua halo advokasia ba justisa, maibe bainhira halo avaliasaun sei rona sosiedade sivil, lider sira, guvernu parseiru sira hafoin hadia idea sira ne’e

“Importante teb-tebs Justisa, tanba liafuan justisa ne’e todan, ne’e mak hanesan garante komprimentu ba valor sira ne’ebe iha konstituisaun, lider sira  no fundador sira proklama demokrasia no justisa. Maibe justisa rasik la signifika bele halo buat hotu-hotu, sira ne’ebe iha papel atu ezekuta justisa tenki bazeadu tuir prinsipiu konstituisaun, lei ne’ebe mai husi lei inan duni”. Dehan Nia

Ramos Horta Fundamenta, Timor Leste presiza adapta lei sira hotu tuir realidade rai ida ne’e nian

“Dala ruma ita tenki adapta prinsipiu prátika ne’ebe iha rai seluk no estuda hodi bele adapta ba ita nia realidade, labele kopia deit, tanba Timor Leste la’os estadu ida 100 anos, 400 ka 500 anos. Maibe tenki haree kultura no tadisaun iha esperiensia rasik Timor Leste nian”. Nia sublinha

Nia Akresenta lei tenki refleta ba faktu sira, tanba dala ruma kazu korupsaun todan liu fali kazu omesidu, korupsaun la’os omesidu, buat hotu tenki tetu didiak tuir fator humanu no fator sosiedade

Entretantu, Presidente Repúblika Ramos Horta hatutan ema hotu basa liman kontra korupsaun, ne’e imporatnte tanba korupasaun hanesan fenómenu mundial

“Ita hotu basa liman kontra korupsaun, importante tanba korupsaun hanesan fenomenu mundial, ita nia rain kiak, maibe iha osan boot, osan boot fahe ba malu deit, entaun rai ne’e nia povu kiak, ita tenki luta kontra korupsaun”. Nia sublinha

Enkuantu, xefe estadu ne’e afirma sei hadia setor justisa no husu atu kualifika setor justisa ho kualidade liu husi formasaun, purtantu, politiku sira labele iha influensia setor justisa, sira tenki estuda ho klean no independente liu tan hodi hala’o sira nia servisu tuir lei ne’ebe iha.

Tuir Observasaun SAP News asesu iha terenu nota katak, serimonia nasional komemorasaun proklamasaun ne’e partispa husi konvidadu internasional, konvidadu nasional inklui populasaun sira husi postu administrativu neen iha munisipiu Manatutu, Portantu, Presidente Republika mos kondekora veteranu sira iha Timor Leste inklui konvidadu espesial balu husi rai-liur

Jornalista   : Ferderita Alita Miranda

Editor         : Ekipa Editorial