CNRT Krítika Guvernu Loke Tender Ba Bolsa da Mãe, Telekomsel Ko’a Dólar Balun
Imajen Intervensaun Deputada Lusia Taeki iha Plenaria Parlamentu Nasional, 04/10/2022
SAPNewsTL, Dili : Bankada Opozisaun Partidu Kongresu Nasionál de Rekonstrusaun Timor (CNRT Sigla Portugés) Deputada Lusia Taeki Lamenta ho Subsidiu Bolsa da Mãe Ne’ebé Governu Implementa iha Rejiaun Administrativu Espesial Oe-Cusse Ambeno (RAEOA)
Wainhira Parlementu Nasionál (PN) aprova Orsamentu kona-ba programa Bolsa da Mãe, ema hotu hatene katak sei fó bá Inan isin rua kada fulan USD 20 no Bebe kada fulan USD 20 to’o tinan lima.Wainhira Bebe ne’ebé maka moris mai ho kondisaun defisiente sei hetan tan USD 10 kada fulan
“Maibé na realidade implementasaun programa ba subsidiu Bolsa da Mãe iha Rejiaun Administrativu Espesial Oe-Cusse Ambeno (RAEOA) totál osan husi montante ne’ebé iha, sira hetan de’it USD 17 kada fulan, no husi Telkomsel ko’a dolar tolu”. Tenik Deputada Lusia Taeki iha Plenaria PN, 04/10/2022
Deputadu ne’e hatutan, Razaun saida maka Telkomsel ko’a Dólar tolu, tanba governu halo tender ba Telkomsel atu halo pagamentu ba programa ida ne’e, ema hotu hatene katak momentu Parlamentu Nasionál aprova ho osan nia montante boot tebes kuaze USD 25 Milloens
“Guvernu gosta atu halo tender tun sa’e hodi nune’e osan ne’ebé oferese ba Inan isin rua ko’a tiha no osan la kompletu 20 dólar, Osamentu ne’e hetan husi governu Austrália liu husi programa parseira dezenvolvimentu Umanu, Tanba saida maka ita nia governu la oferese direita atu nune’e osan 20 dólar ne’e fo kompletu, maibé governu sei halo tenderizasaun ba Telkomsel”. Nia dehan.
Enkuantu, Programa polítika husi Oitavu governu ne’ebe oferese subsidiu Bolsa da Mãe, ho montante osan 20 dólar kada fulan, nune’e bele garantia no promove nutrisaun diak iha Timor-Leste (TL), programa refere liu husi Ministeriu Solidaridade Sosial no Inkluzaun (MSSI), iha ne’ebe dau-daun ne’e fahe ona iha Munisípiu Ainaru, Bobonaru no Rejiaun Administrativu Espesial Oe-cusse Ambeno (RAEOA), maske nune’e maibé iha RAEOA rasik inan isin rua sira 17 dólar de’it tanba Telkomsel ko’a tiha dólar tolu.
Jurnalis : Ermelinda Soares
Editor : Ekipa Editorial