Instala Tribunál Supremu Justisa Iha TL, Komisaun A PN Sorumutu Ho Autoriedade Judisiária

SAPNewsTL, Dili : Presidenti Komisaun A sorumutu ho entidade jurisiais sira hanesan Presidenti Tribunal Rekursu,   Prokurador Jeral,  no Ministériu Justisa iha Kuarta-Feire ne’e,  objetivu husi reuniaun ne’e atu resolve kestaun sira kona-ba  komisaun instalador atu  rekruta juri hodi hari’i Supremu Tribunal Justisa iha Timor Leste

“Ohin  halo audiénsia ho Presidente Tribunal Rekursu,  Ministériu Públiku,  Ministériu Justisa  para atu haré fila fali kona-ba  atu hari’i komisaun   instaladora  ba  justisa ho tribunal no  ministériu Públiko, hela  judisiária ninian, nune’e ohin Tribunal, Governu, no Ministériu  Públiku  fo nia opiniaun mesak   konstrutivu atu ajuda Komisaun A”. Tenik Presidente Komisaun A Jaoquin dos Santos  ba Jornalista sira iha Resintu Parlamentu Nasionál, 05/10/2022

Entretantu, Komisaun A  rejista  ona rekomendasaun sira husi  entidades no konvidadus sira, portantu sei  diskuti molok  haruka ba Parlamentu Nasionál

“Planu lolos agora, maibe Ita sei hasoru debate orsamentu estadu, semana oin ita komesa  loke audiénsia ba osamentu  komisaun, ohin laiha posibilidade  tanba sei prepara redesões no aban mos sei iha audiensia ida tan  depois iha agenda parlamentu nian sei kumpri parese semana ne’e  la konsege”. Nia informa

Komisaun A sei tenta haree  periodu osamento nian ne’e, kuandu  komisaun A iha nia trabalho  hodi haruka ba Komisaun C,  pois maka buka loron ida atu aprova  relatóriu no haruka ba parlamentu, nune’e  bele resolve molok  tinan ne’e remata  tanba projeitu lei ne’e urgenti, liga ba atu hadia sistema  tribunal nian

Deputane ne’e hatutan, Iha  Artigu rua   artigu 67^o kona ba  komisaun  nia tempu instalasaun  no Artigu 88^o  kompetensia komisaun nian, portantu artigo rua ne’e mak sei haree didiak  iha artigo aditamento ida kona-ba rekonsidera nomeasaun sira ne’ebe uluk  Parlamentu nomea ho Presidente Repúblika anterior nomea

Iha fatin hanesan, Vice ministru Justisa  Jose Edmundo Kaitanu  hateten ohin loron mai hasoru malu ho Komisaun A  iha Parlamento Nasionál  atu diskuti primeira alterasaun  lei 25/2021 kona ba organizasaun Judisiaria nian, Instalasaun  Tribunal Supremu  depois ne’e entrada rigor iha  2 de marçu 2022 maibe tanba tempu no prezisa rekursu humano  kualifikadu,  Komisaun A halo alterasaun para halo preparasaun ba instalasaun

“Instalasaun ne’e depois lei  entrada em rigor  maka ita  instala tinan oin,  ita komesa halo preparasaun ba  rekursu humano ninian  para ita bele  halo instalasaun ba ida ne’e”. Hakotu Vise Ministru

Jurnalis  : Ermelinda Soares

Editor     : Ekipa Editorial