Kazu Osan Iha Aeroportu, VMJ Edmundo Konsidera Falla Administrativu La’os Krime

SAPNewsTL, Dili : Relasiona ho  sidadaun nain ne’ebe atu lori osan ho montante liu $ 10 Mill, liu husi Aeroportu ba rai-liur, Vise Ministru Justisa Jose Edmundo Kaitanu  hateten sidadaun balun ne’ebe iha loron segunda  lori osan liu 10 mil ba leten, tanba laiha deklarasaun, entaun falla Administrativu deit, ne’e la’os krime konta lei N. 17/ 2011  no  lei N. 5/2013

 “Obrigatoriu tenki halo deklarasaun tanba  osan ne’ebe sirkula iha rai-laran no mos   rai-liur ne’e  tenki halo deklarasaun maibe la konsege ida ne’e  sira falta administrasaun deit,  iha problema maka se kuandu aplika ba brankamentu  kapitais regime jurídiku no brankamento kapitais ho  finansamento terorismu  sei aplika ida ne’e  nesesariu duni, tanba sa mak sira nain tolu ne’e husik tiha ba rai liur  pois osan ne’e husik tiha iha Airoportu ? ”. Tenik Vise Ministru Justisa Edmundo Caetano ba Jornalista sira iha Uma Fukun PN, 05/10/2022

Vise Ministru ne’e konsidera, lei branqueamento de kapitais finansamento terrorismo tuir lei N. 17/ 2011  i altera  lei N. 5/2013  ida ne’e labele aplika ba kazu ne’e tanba osan ne’e Partidu KHUNTO nian

“Lei Branqueamento de Kapitais Finansamento do terrorismo tuir lei N. 17/ 2011  no altera  lei N. 5/2013  ida ne’e labele aplika,  sorti boot deit  katak Partidu Khunto  ho nia estrutura ba halo  deklarasaun ho vontade no inisiativa  katak  osan ne’e Partidu Khunto ninian, sorte boot ida tanba ne’e koopera, se ema terrorismu ida  halo orsamento Branqueamento  Kapitais terorismo nian, ne’e ita bele aplika ida ne’e”. Vise Ministru Sublinha

Entretantu, Montante orsamento boot ($130.000.00 UDS) refere Partidu Khunto deklara   katak osan ne’e Partidu Khunto ninian, osan refere atu hola Kaos, Almamater Partidu Khunto nian hodi prepara ba kampanha parlamentar 2023

“Partidu Khunto deklara nia an  katak  osan ne’e ninian, signifika osan ne’e labele nia montante deit maka tuir lei  katak nia tenki deklara liu 10 mil ba leten,  maibe tanba obrigatoriu Deklarasaun  laiha entaun falla admistrativu deit,  entaun ne’e laos krime,  se krime  karik nusa maka husik hela nain tolu ne’e  ba rai-liur, depois osan ne’e  iha Aeroportu depois osan ne’e se mak deklara ba nian na’in,  tuir lolos ne’e labele aplika lei brankamento kapitais tanba falla iha administrativo no laiha konhesimentu”. Nia Fundamenta

Nia hatutan,Falha Administrasaun ne’e  husi Partidu Khunto mak la deklara,  ida ne’e obrigatóriu fallansu deit, atu aplika ba brankamento kapitais ne’e PCIC (Polisia Cientifica Investigação Criminal) labele  halo identifikasaun   atu lori ba tribunal,  tuir lolos alfandega mak iha Kompetensia  ida ne’e maibe ho unidade  informasaun finanseira,  maibe PCIC iha kompentensia  atu kontribui ba  sira  atu identifika osamentu, relasiona ho orsamentu  brankamento kapitais sira maka iha kompetensia hato’o ba tribunais autoridade judisiaria iha tres dias nia laran tenki deside osan ne’e mai husi ne’ebe

Governante ne’e fo agradese no apresia ba Partidu Khunto tanba sira bele deklara katak osan ne’e sira nian

 “Sira na’in tolu lori osan ne’e,  ita husik hela  ba rai-liur, lori osan $ 10 mil  deit, restu ne’e tau iha Aeroportu, osan ne’e se nian maibe ita tenki apresia no agradese  ba Partidu Khunto tanba sira dehan osan ne’e sira nian, portantu osan hirak ne’e agora daudaun sei iha PCIC, Osan ne’e tenki fo fila fali ba nia na’in”. Nia informa

Jornalista  : Ermelinda Soares

Editor         : Ekipa Editorial