CNRT & PD Mak Aumenta Kadeira Iha Eleisaun, Kalbuadi : CNRT Sei Tane Konfiansa No Komunika PD

SAPNewsTL, Dili : Liu husi komunikadu imprensa ne’ebe Partidu Congresso Nacional Reconstrução de Timor (CNRT), Sekretariu Jeral Partidu CNRT Francisco Kalbuadi Lay haktuir Partidu Polítiku 17 mak kompete iha eleisaun parlamentar 2023, maibe Partidu lima (5) mak hetan asentu parlamentar, entre sira Partidu CNRT no PD mak kadeira aumenta, Entaun CNRT sei tane konfiansa ida ne’e

“Partidu hamutuk 17 mak kompete iha eleisaun parlamentar, maibe Partidu lima mak hetan asentu parlamentar mak CNRT, FRETILIN, PD, KHUNTO no PLP, iha ne’ebe CNRT mak aumenta kadeira 10, husi 21 ba 31 no PD mak aumenta kadeira ida husi 5 ba kadeira 6, entaun CNRT sei komunika uluk ninia aliadu PD, ha’u hatene PD sei la ba Plataforma, ami nia komunikasaun individu no partidu desde uluk ami diak hela inklui ho partidu sira seluk”. Tenik Sekretariu  Jeral Partidu CNRT Francisco Kalbuadi Lay, ba Jornalista sira liu husi Komunikadu Imprensa iha Sede Nasional Partidu CNRT Bairo dos Grilhos Dili, 30/05/2023

Kalbuadi hatutan, CNRT sei tane aas povu nia konfiansa, wainhira ukun sei prioritiza polítika desentralizasaun, moris diak ba povu no dada kadoras greater surise mai Timor Leste

“Ami tenki tane povu nia fiar, tanba povu fo konfiansa ba ami, CNRT sei tau prioridade ba programa desentralizasaun, moris diak, empregu ba joven sira, dada kadoras mai Timor Leste”. Dehan Kalbuadi

Sekretariu Jeral CNRT ne’e mos apela ba povu Timor Leste atu labele fiar kompozisaun guvernu ne’ebe ema espallha iha facebook ho asinatura Sekretariu Jeral Partidu CNRT nian, ne’e tanba ne’e lia bosok no falsu, Portantu ema ne’ebe sei tamba ba  membru Guvernu ne’e Presidente Partidu CNRT Kayrala Xanana Gusmão mak sei hili no bolu

Enkuantu, Partidu CNRT mos agradese ba povu Timor Leste ninia konfiansa iha eleisaun Parlamentar 2023, CNRT sei tane konfiansa ida ne’e hodi lori moris diak no desenvolemntu ba povu Timor Leste

Entretantu, Partidu CNRT hetan kadeira 31, Partidu Frente Revolucionário Timor Leste Independente (FRETILI) hetan kadeira 19 ne’ebe tun husi kadeira 23, Partidu Demokrátiku hetan kadeira 6, ne’ebe aumenta kadeira ida, Partidu Kmanek Haburas Unidade nasional Timor Oan (KHUNTO) mantein hetan kadeira 5 no Partidu Libertasaun Popular (PLP) hetan kadeira 4 ne’ebe lakon kadeira haat iha elisaun tinan ne’e

Jornalista : Ermelinda Soares & Lidia Amaral