EhD Preokupa Fasilidade Públiku Barak Laiha Asesibilidade
SAPNewsTL, Dili : Atu Komemora Loron Internasional ba Ema ho Deficiência (EhD), Assosiasaun Defisiénsia Timor-Leste (ADTL) halo vizita ba fatin públiku no instituisaun balun hodi haree kona ba asesibilidade fasilidade públiku ba EhD.
Durante vizita, Oficial Open the Book ADTL Lusiano Dias Cabral haktuir ohin loron Ema ho Defisiénsia (EhD) husi ekipa asesibilidade no komisaun organizadóra ba komemora eventu ba loron Internasionál ba Defisiénsia mai vizita hodi haree asesibilidade husi fasilidade públiku ba ema ho defisiensia sira.
“Objetivu jerál husi atividade ne’e, halo asesmentu ba edifísiu públiku sira no mós édifisiu privadu sira atu hare sira nia asesibilidade públiku ne’ebé maka sira iha tanba dala barak EhD sira hasoru situasaun difisil tebes atu asesu ba fasilidade públiku ne’ebé maka estadu kria hanesan BNCTL, Notariadu,” Tenik Oficial Open the Book ADTL Lusiano Dias Cabral ba Jornalista sira iha jardim 5 de Maiu,24/10/2023
Lusiano Dias Cabral hatutan, fasilidade públiku barak iha terenu laiha asesibilidade ba Ema ho Defisiénsia liliu Rank Odamatan, Haris Fatin, inklui trotoar sira
“Ami haree asesibilidade ita nota iha terenu barak la asesivu, tanba ranka ba odamatan sira laiha liuliu haris fatin sira la tuir estadar internasionál ne’ebé maka design ona la estardarte, tan ne’e husu guvernu dasia hodi tau atensaun”.
Komisaun eventual prepara atividade sanulu, Nune’e komisaun eventual halo atividade rua maka atividade sensivibilizaun ba direitu ema ho defisiensia iha kampus sira no asensmentu ba fatin públiku sira
Iha fatin hanesan, Jesuino de Araujo hateten, Edifísiu Eskola sir, BNCTL, Notariadu inklui fatin públiku barak susar tebes atu ema ho defisiensia sira hodi asesu tanba laiha asesibilidade
“Ami observa katak asesibilidade sira iha BNCTL, Notariadu no eskola nia fasilidade menus tebes hodi ema ho difisiensia fisiku sira atu asesu tanba kadeira roda labele asesu mesak, haris fatin sira no seluk-seluk tan, fatin sira ne’ebé EhD bele asesu ona mak Edifísiu Ministériu Finansas no Timor Plaza”. Nia subliña
Tuir Observasaun Jornalista SAPNewsTL iha terenu nota katak fatin públiku barak iha Kapitál Dili seidauk iha asesibilidade ba Ema ho Defisiénsia sira liliu Haris Fatin Públíku, Trotoar, Odamatan edifisiu públiku sira no seluk tan
Enkuantu, tuir dadus sensus 2022, Timor Leste regista Ema ho nesecidade espesial besik rihun rua nulu (20.000) kompostu husi feto no mane sira, entre EhD barak seidauk hetan direitu ba subsídiu husi Guvernu
Jornalista : Ermelinda Soares