FECT-UNTL Realiza Semináriu Komemora Loron FALINTIL No Konsulta Popular

SAPNewsTL, Dili : Universidade Nasionál Timor Lorosa’e liu husi Fakuldade de Engenharia, Ciénsia e Tecnologia hala’o semináriu nasionál iha ámbitu komemorasaun loron FALINTIL ba dala XLVII no loron konsulta popular ba dala XXIII, ho nia topiku jeral transmite valores resisténsia hodi hametin estadu direitu no demokrátiku.

Iha palestra Madre Guilhermina Marçal ne’ebe lori tema kona-ba Impaktu Asédiu sexsual no Prátika Igualidade Géneru iha Timor Leste hateten ema ida-idak nia direitu no dignidade hanesan, feto no mane iha nia responsablidade atu tane ass prinsipius valores moris hanesan sidadaun hanesan ema sarani liu-liu hanesan pessoal ne’ebe maromak kria

“Maromak nia ispíritu hamahan no fanu  imi hodi la’o ba oin nafatin no nia sei lori buat ruma foun ba tranformasaun, halo tuir nafatin buat ne’ebe diak atu lori timor ne’e ba oin, timor ida aban iha o nia liman, timor ida ohin ita hotu nian, timor ida ohin mos husu ita hotu nia kontribuisaun ba formasaun no edukasaun foin sa’e sira, la’o ba oin nafatin respeitu o nia an, hanesan ema feto no mane hanesan maromak nia imajem”. Dehan Madre Gulhermina Marsal iha Auditorium FECT Hera, kuarta-feira (24/08/2022)

Nia hatutan, prátika igualdade jéneru iha Timor-Leste, desde 2002 persentajen feto sira iha Parlamentu Nasional, Governu no fatin oioin persentajen feto nia partisipasaun maka’as los iha ne’eba, importante mak labele ejije deit igualdade de jeneru maibe igualdade de oportunidade, posibilidade no kapasidade

“Ema ida ita laharee ba nia feto ou mane maibe ita haree ba nia kapasidade intelektual, kapasidade domina de lingua no esperiénsia mak representa duni ita nia lian ne’e iha parlamentu nasional ou governu, atu samada atensaun ba joven sira atu atensaun ba buat hotu-hotu ho prudensia, joven hotu-hotu atu moris diak, joven nia futuru hahu ohin laos aban”. Nia realsa

Entretantu, nia dehan ohin loron atu hadia didiak ema hotu nia moris iha sosiedade ida ne’e tenki mantein valores sira nasaun nian, ukun rasik an ne’e presija tane aas principiu hirak ne’e, laos sai deit istória, se uluk ema halo ohin loron imi tenki halo

“Joven sira tenki iha komitmemtu ida ne’ebe forte ba ema hotu-hotu atu kaer metin nafatin valor sira katak uluk luta ba ukun an maibe ohin loron luta atu liberta povu husi moris kiak, mukit no susar hodi sai integridade ho dignidade hanesan mos povu sira seluk”. hatete Nia

Iha fatin hanesan, Prezidenti Komisaun Oranizador Tito dos Reis Pilar Guterres hateten Semináriu Nasionál ne’e atu Komemora Loron FALINTIL no Loron Konsulta Popular hodi relembra hikas aswa’in sira nia luta ne’ebe lori ukun rasik an ba nasaun Timor-Leste.

“Ami realiza semináriu ne’e iha ámbitu komemorasaun Loron FALINTIL no Loron Konsulta Popular hodi hanoin fila fali ita nia heroi sira nia luta, joven sira tenki perdua malu atu nune’e ita bele iha nafatin sentidu hadomi malu, atividade ne’e mos atu fo fanun ba joven sira hotu hodi hametin paz, unidade no estabilidadde iha ita nia rain”. Tenik Tito

Nia akresenta, aktividade ne’e organiza husi Fakuldade Engenharia Siénsia no Teknolojia, Asosiasaun Fakuldade no Nukleu kada departamentu ho nia estrutura sira hotu

Enkuantu, semináriu ne’e hetan partisipasaun maksimu husi representante fakuldade ualu (8) no estudante Fakuldade Enjenharia rasik liu atus tolu

Jornalista : Ekipa Kobertura

Editor       : Ekipa Editorial