Forma Ema 150 Ba Aldeia 70 ! MDRHC Sei Rekruta Jovens Ba Aldeia 200
Imajem : VPM-MKAS-MDRHC Mariano Assanami Sabino Lopes halo abertura ba funsionáriu sira ne’ebe sei ba hala’o servisu iha rural, Salaun Timor Lodge, 10/06/2024
SAPNewsTL,Dìli- Vice Primeiro Ministro Ministro Asunto Coordenador Sosial e Ministro do Desenvolvimento Rural e Habitação Comunitaria (VPM-MCAS, MDRHC sigla portugés), halo abertura formasaun ba funsionáriu sira ne’ebe mak rekruta ona atu apoiu desenvolvimentu rural iha aldeia 70 hodi identifika potensia no problema ne’ebe kada aldeia no suku hasoru.
Ministru Mariano Asamani Sabino hateten katak formasaun ne’ebe MDRHC fo ba joven sira inklui mos lisensiatura balun ne’ebe agora rekrutamentu ne’e atu sira bele reforsa desenvolvimentu iha area rurais.
Governante ne’e salienta katak joven sira ne’e prepara para sai inovativa, kreativu no sai produtivu atu servisu hamutuk iha area rurais tanba iha aldeia sai fatin ida ne’ebe mak mal nutrisaun ass, kiak barak,servisu fatin la iha, tanba ne’e mak sai alvu prinsipal atu hamenus kiak, malnutrisaun no identifika kada aldeia no suku ne’e nia potensial para sai produtivu.
“Ohin ha’u fo orientasaun geral para sira bele hatene katak depois tinan 21, ita kria Ministériu desenvolvimentu habitação rural. Rural oinsa mak atu hare dezenvolvimentu ne’ebe integradu iha aldeia no suku, tempu ona atu ita nia inan aman sira tenke hela iha uma ne’ebe dignu no hetan moris diak iha rural “.Dehan Vice Primeiro Ministro Ministro Asunto Coordenador Sosial e Ministro do Desenvolvimento Rural e Habitação Comunitaria Eng. Mariano Asamani Sabino, bá jornalista sira iha Timor Lodge,Segunda-feira(10/06/2024)
Nia informa katak depois formasaun hotu sei koloka ba 70 aldeia no hotu tuir mai tan sei iha formasaun hodi koloka bá aldeia atus ida resin, no programa sira agora balun la’o ona mak hanesan iha area agricultura, peska no pekuariu,edukasaun, estatal no desentral.
“Programa Ministério Desenvolvimento Rural, nia asuntu ne’ebe mak la’o ona iha rurais hanesan agrikultura, peskas, pekuáriu, edukasaun, estatal, desentral ne’ebe mak la’o ona, buat hotu-hotu la’o ona iha ne’eba presija harmoniza, presija koordena, para fo benefisiu ba povu”. Assanami haktuir
Nia haktuir katak durante ne’e aktividade sira ne’e la’o ona, maibe la’o iha ida-idak nia ministériu tanba ne’e mak lá sukat ninia susesu tanba ne’e mak agora koordena ho ministériu dezenvolvimentu rural hodi bele hetan susesu hamutuk.
“Agora dadaun ne’e koloka ona ba 70 aldeia, maibe sei mai tan ba sira ne’ebe mak preparadu, tuir mai sei koloka bá aldeia atus rua tuir orsamentu ne’ebe iha”.
Tuir dadus ne’ebe SAPNewsTL asesu, programa ne’ebe MDRHC hala’o ne’e hahu la’o ona iha Munispiu Mamatutu Postu Administrativu Natarbora, Munisipiu Lautém Postu Administrativu Luro no Lautém, Munispiu Bobonaru no Munispiu Covalima inklui munisipiu sira seluk ne’ebe ministeriu identifika ona.
Jornalista : Dircia Baptista Belo