Funsionáriu Balun Seidauk Hatene Istória, Komemora Nia Aniversáriu no Vizita Fatin Istóriku
DILI, 22-06-2022 : Centru Nasionál Chega (CNC) realiza atividade vizita sítiu istóriku sira iha ámbitu komemorasaun aniversáriu ba funsionariu funsaun públiku sira, Vice Ministru Administrasaun Estatal Lino de Jesus hateten Funsionáriu sira presiza hatene Istória Timor-Leste Nian
Tuir Vice Ministru Administrasaun Estatal Lino de Jesus Torezão hateten ohin komemora loron funsionariu publiku nian hodi hanoin hikas fila fali terus hirak ne’ebe mak iha no istoria sira ne’ebe liu ona
“Filme ne’ebe mak ohin ita asiste hamutuk ita bele senti no haree momentu ne’ebe ita nia maluk sira terus no balun mate iha momentu ne’eba, ita triste bainhira ita haree, koñesementu sira ne’ebe mak sira iha no postura sira ne’ebe mak sira hatudu, bainhira ita haree asaun sira ne’ebe mak indonezia sira halo mai ita husi tinan 1998 mai to’o iha 1999 ne’ebe mak hatudu mai ita katak ita hetan ona independensia,”dehan vice ministro estatal Lino de Jesus Torezaun ba jornalista sira iha salaun CNC balide, 22/06/2022
Ema barak mak fo sira nia an mate mak bele hetan independensia, funsionariu sira mos persija hatene duni istoria ida ne’e tanba funsionariu balun mak seidauk hatene diak, iha tempo uluk funsionaria barak mak hetan baku husi tropas indonezia, funsionariu sira agora ne’e persija hatene barak konaba istoria hirak ne’e
“Funsionariu publiku sira hanesan aprelhu do estadu nian, nia tenki iha koñesementu klean konaba istoria Timor-Leste nian, sai funsionariu ita mos hatene ita nia nasionalidade, ita bele koñese diak liu tan ita nia istoria ho lala’ok ne’ebe mak akontese iha ita nia rai laran, funsionariu ne’ebe mak ohin partisipa iha serimonia ida ne’e hamutuk 400 mak mai partisipa,”nia informa
Funsionario sira sei halo vizita ba sitiu sira ne’ebe mak istóriku hanesan fatin sira iha CNC, arquivu nasional no arquivu rezisténsia sira liu-liu mak iha violasaun ba direitos humanus nian hanesan CNC nia responsavel sira
“Funsionáriu sira ne’ebe mak ohin mai partisipa husi diresaun hotu-hotu i aktividades hirak ne’e la’os hala’o iha ne’e deit ita mos sei realiza iha fatin seluk, tuir kalendariu ne’ebe mak fo sai i osan ne’ebe mak gastus hodi sosa filmajen istóriku husi nasaun sira seluk ho total 90.000$ dolares.”hakotu nia
Jornalista : Lidia Amaral
Editor :Vinsensius Morais Araujo