Tinan 20 Infraestrutura Barak La Asesivel, Ema Ho Difisiensia Husu Inkluzaun Sosial
SAPNewsTL, Dili : Kordenador Corpo do Tranparansia Sabino Fitun Preokupa Alokasaun Orsamento Jeral Estadu la asesivel ba Ema ho Defisiensia, Sabino Fitun apresenta evidensia ba governante sira
Tuir Kordenador Corpo do Tranparansia Sabino Fitun hateten tinan hira ba kotuk sira observa tau Orsamento jeral estado sempre la inkluzaun no la assesivel ba ema ho difisiensia.
“Ita hatene planu asaun nasional desde 2014, 2018 halo tiha ona i foin dadauk mai aprova tan iha 2021 to’o 2030 nian maibe nafatin, ida ne’e hanesan meius ida ne’ebe ami hakarak tur hamutuk ho orgaun estado sira, ami mos ba hasoru ona Presidente, hasoru Sr. Primeiro Ministro i ohin ami mos hasoru ona Sr.Vise Primeiro Ministro hato’o evidensia ema ho difisiensia nian”. Dehan kordenador Corpo de transparansia Sabino Fitun ba Jornalista sira iha MSSI kaikoli Tersa-Feria(21/06/22).
Kordenador Corpo de Transparansia Sabino Fitun hatutan infraestrutura desde tinan Rua ulun (20) Ona ita ukun a’an mais infraestrutura sira barak mak la assesivel.
“Hanesan Trotoar sira, estrada, uma Eskola sira, saúde nian, edifício público sira nafatin la assesivel ba ema ho difisiensia aleinde ne’e ami mos koalia kona ba ratifikasaun ou konvensaun direito ba ema ho difisiensia nian”. Dehan kordenador Corpo de transparansia Sabino Fitun.
Iha fatin Hanesan, Vise Ministra Solidariedade Social no Inkluzaun Singi Candrawati Verdial hateten Ohin halo enkontru ho sosiedade sivil sira, liuliu ema ho difisiensia sira hodi rona sira nia preokupasaun
“Ita nia assosiasaun ema ho difisiensia hato’o sira nia prekupasaun hanesan baibain sira hato’o iha Publiku katak, liliu iha faze de planeamento presiza halo mos alokasaun Orsamento no nomos serbisu konjunta hodi asegura katak liafuan ida Inkluzaun sosial, ita koalia ne’e ita implementa duni iha pratika”.Hakotu Nia
Reportagem : Benezia C. dos Reis
Editor : Luis dos Santos