Espasu Dialétika : “Estadu Direitu & Demokrátiku – Entre Konstrusaun, Mitus & Faktus”

Imajem : Edital

‎SAPNewsTL, Dili : Programa “Espasu Dialétiku” oferese oportunidade debate intelektual ho tema “Estadu Direitu & Demokrátiku – Entre Konstrusaun, Mitus & Faktus” ho debator husi ativista José Luis Oliveira no Luis Mendes Ribeiro “Halaço”.
‎
‎Programa espasu dialétiku ho atividade debate intelektual ne’e sei transmite direta hosi SAP News TL no realiza iha :
‎
‎Loron : Sábadu, 29/08/2026
‎Fatin : Estúdio Sapnews.com
‎Horas : 19:00-20:00 PM
‎
‎SAPNews oferese espasu dialétika ba públiku hodi halo diskusaun, debate no dada lia ho pensamentu krítiku, analítiku, síviku no responsivu ba konstrusaun estadu no nasaun Timor-Leste.
‎
‎Programa Espasu Dialétika ne’e hanesan inisiativa edukativu no intelektual ida ne’ebé fó espasu ba diskusaun kritiku kona-ba asuntu polítika, sosiál, ekonomia, kultural no edukasionál iha sosiedade.
‎
‎Objetivu prinsipal programa ida-ne’e mak atu dezenvolve kultura diskusaun no debate ne’ebé bazeia ba argumentu rasionál no evidénsia akademika. Liuhosi debate entre ativista, akademiku, peskizadór no membru sosiedade sivíl, programa ne’e buka atu halo ligasaun entre teoria no prátika iha dezenvolvimentu nasional.
‎
‎Espasu Dialétika ne’e sei fo espasu ba ativista, akadémiku, sosiedade sivil no polítiku sira atu fahe hanoin no responsabilidade hodi kontribui ba formasaun konsiénsia kritika iha komunidade.
‎
‎Programa ne’e hodi kontinua promove literasia intelektual, partisipasaun demokratika ho forma apresenta teze, anti teze no sínteze.