Governu Sei Haree Hikas Saláriu Mínimu Ba Traballador Sira
SAPNewsTL, Dili : Sekretariu Estadu Formasaun Profesionàl no Empregu (SEFOPE, sigla Portugués), Rogerio Medonça, deklara durante 2009 to’o 2023 estadu Timor seidauk rezolve konflitu ne’ebe komete husi mobilidade laboral trabalhadores Australia no Coreia entre membru Grupu arte marsiais (GAM) no rituais (GAR).
Trabalhador sira ne’ebe desloka ba serbisu iha nasaun Australia, Japaun no Coreia Sul, Governu Timor Leste liu husi, Sekretariu Estadu Formasaun Profesionàl no Empregu (SEFOPE) kria aktividades plenaria ho objetivu enkoraja Trabalhadores Timoroan sira atu kumpri regimentu ne’ebe akordu entre Governu rua.
“Kada tinan Ita sempre realiza ita nia aktividades hodi fo Mensagen ba ita nia joven sira ne’ebe mak ba servisu iha Australia, Coreia no Japaun. iha futuru oin mai sei ba iha Portugal atu sira ba servisu tuir regra ne’ebe maka kompanha no Governu Timor Leste nia akordu ona”. Hateten Sekretariu Estadu Formasaun Profesionàl no Empregu (SEFOPE) Rogerio Medonça ba Jornalista sira iha salaun SEFOPE, Kaikoli Dili, Sabadu (02/12/2023)
Governante ne’e akresenta, Hahu husi 2009 mai to’o mai 2023 mobilidade laboral trabalhadores sira ne’ebe ba Australia no Coreia seidauk iha trabalhadores ne’ebe uza artemasiais no arte rituais hodi halo problema iha Australia ho Coreia hodi lori mai estadu Timor rezolve ne’e seidauk tanba durante ne’e sira atu sai sempre iha akonselamentu.
“Trabalhadores Timoroan sira, ne’ebe mak barak iha Australia agora tama ona 13 mill ital no iha Coreia 5 mill liu maibe estadu Timor laiha rezistu krimi publiku ne’ebe komete husi ita nia maluk trabalhadores Timoroan sira, hafoin prosesu legal estadu Timor rezolve, klaru katak laiha, akontesementu ne’ebe entre artemasiais iha ne’eba katak ba oin sei laiha”. Nia sublinha
Governante ne’e rekorda katak, salariu minimu lei ne’e mak agora lori ona ba Governu anterior mos submete ona ba konsellu ministru, Nonu Governu liu husi SEFOPE servisu hamutuk ho Konsellu Nasional Traballu parte sindikatu, CCI-TL no Governu hodi haree fila fali lei refere ba Konsellu Ministru halo aprovasaun.
“Saláriu minimu ba ita nia trabalhador sira mak tuir lolos hetan ona aprovasaun maibe Ita boot sira hare foin fulan haat, Ita tama ho ratifikativu no programa, Ita tama ho lei organiku ne’e, ita tama ona iha osamentu geral do estadu 2024, se iha 2024 mak situasaun sira ne’e normal hotu, ita avansa ona ho lei ba salariu minimu, esposu prepara kompletu ona hein ita lori ba aprezenta bele hetan aprovasaun”. SEFOPE Rogerio afirma
Ba trabalhador sira ne’ebe mak servisu ho Xineza sira hetan 115 hasa’e ba 150 to’o ba 200, iha Timor laran laiha industria boot, iha deit mak Loza sira ne’ebe mak fo servisu ba trabalhador sira deit, se hasa’e salariu ne’e aas kompanha mos sente sira la hetan lukru no profit ruma signifika nia taka ona hamosu bebeik taxa dezempregu.
Jornalista : Genoveva Sarmento