Guvernu Aprova ! Kria Gabinete Fronteira Terrestre & Marítima

SAPNewsTL, Dili – Sorumutuk Konsellu Ministrus, Governu aprova ona projetu dekretu-Lei, Kria Gabinete Fronteiras Terrestres no Marítimas (GFTM) ne’ebe aprezenta husi Primeiru-Ministrus Kay Rala Xanana Gusmão.

Objetivu prinsipal husi diploma ida ne’e oinsa atu define estrutura no kompeténsia Konsellu ba delimitasaun definitiva Fronteiras Marítimas, ne’ebé konsentra ba esforsu no rekursu ba prosesu negosiál iha Gabinete Fronteiras Terrestre no Marítimas.

“Gabinete ida ne’e iha Primeiru-Ministru ninia okos, atu bele define kondisaun no objetivu nesesáriu sira ne’ebé fó dalan atu konklui tratadu ne’ebé estabelese fronteira terrestres no marítimas entre Repúblika Demokrátika de Timor-Leste (RDTL) ho Repúblika Indonézia.”SAPNewsTL asesu liu komunikandu emprensa, Sorumutuk Konsellu Ministrus ne’ebe hala’o iha Palásiu Governu Dili, Quarta (06/12/2023)

Aleinde apoiu Primeiru-Ministru nian iha negosiasaun ba delimitasaun definitiva fronteiras ho nasaun Indonézia, Gabinete Fronteiras Terrestres no Marítimas, mós hanesan alvu responsavel ida hodi tulun Primeiru-Ministru Kay Rala Xanana Gusmão atu halo konseitu, dezenvolve no implementa polítika “Ekonomia Azul” Timor-Leste nian.

Enkuantu, tuir projetu ne’ebé aprezenta husi Vise-Ministra ba Asuntus ASEAN, Milena Maria da Costa Rangel, Konsellu Ministru aprova ona projetu deliberasaun ba akizisaun imóvel ida ba instalasaun Embaixada Timor-Leste nian iha Londres, Reinu Unidu.

Jornalista : Marcela Mery da Costa