Halakon Jerman, Portugal Sei Hasoru Espanha Iha Final
Imajem : Jogador Portugal no Espanha
SAPNewsTL : Jogu Liga Nasaun Semi Final ne’ebe hala’o iha estadium Alemanhã madrugada ne’e (05/06/2025), Selesaun Nasional Portugal halakon selesaun Nasional Jerman ho skore 2 a 1.
Marciana Da Conceição Jurnalis – Mídia Sapnews
Jogu iha parte dahuluk ekipa husi selesaun nasional rai rua ne’e halo esforsu no tenta atu hatama golu ba malu, maibe la konsege to’o jogu parte dahuluk termina.
Hafoin iha jogu parte daruak, Jogador husi Jerman ho naran F. Wirtz hatama golu ida iha minutu 48, tuir mai, jogador husi Portugal ho naran F. Conceição hatama golu ida ba Jerman iha minutu 63.
Jogu kontinua la’o, iha ne’ebe parte rua halo atake makaas ba malu, ikus mai Jogador Legendáriu Cristiano Ronaldo hatama golu ida iha minutu 68 hodi aumenta ba skore 2 a 1.
Hafoin golu ne’e, adversáriu rua ne’e tenta no halo esforsu hotu atu halo golu maibe la konsege to’o jogu parte daruak termina.
Resultadu ne’e hatudu Portugal manan Jerman ho skore 2-1 iha semi final liga nasaun ne’ebe realiza iha Jerman.
Nune’e, Selesaun Nasional Portugal sei hasoru selesaun Nasional Espanha iha liga na sauna, iha loron domingu tuku 04:00 (08/06/2025).