Hari’i Paz no Estabilidade ! Postu Soibada Realiza Futsal Natál Cup
SAPNewsTL, Manatuto – Iha ambitu preparasaun ba festa natal, Postu Administrativu Soibada, realiza jogu, Futsal Natal Cup, hodi kria lasu amizade entre foinsa’e suku lima atu bele hametin paz no estabilidade hodi hatudu performansia liu husi atividade desportu
Objetivu prinsipal kria jogu, Futsal Natal Cup, bazeia ba tema ne’ebe komisaun organizadora estabelese ona, oinsa atu bele kria paz no estabilidade hodi hametin unidade entre foinsa’e suku lima (5) atu bele promove talentu desportu iha baze, hodi hetan fini diak iha futuru
“Jogu ida ne’e ami hanaran ‘Futsal Natal Cup’ hanesan projetu pilotu desportu tamba komisaun organizadora deside realiza iha fulan dezembro, preparasaun ba natal no tinan foun, inisiativa husi joventude suku lima, ne’ebe pertense mai iha postu administrativu soibada, oinsa atu bele halibur foinsa’e sira hodi hatudu sira nia talentu liu husi jogu amizade”
Prezidente Komisaun Organizadora, Arsenio Hermenegildo da Silva hato’o lia hirak ne’e, ba SAPNews-TL iha Salaun, Aklas, hafoin halo abertura ba atividade jogu Futsal, Natal Cup, Domingu (17/12/2023)
Iha intervista Presidenti Komisaun Organizadora, Arsenio Hermenegildo da Silva, ba SAPNews, hateten, Komisaun preparadu realiza eventu ida ne’e tamba komisaun rasik hetan koinesementu ba autoridade siguransa atu bele toma responsabilidade hodi mantein seguransa iha aredores ne’ebe hala’o jogu futsal natal cup’ atu nune’e labele mosu dezentendimentu entre foinsa’e no adeptus kada equipa
“Eventu futsal natal cup, ami komisaun organizadora hakarak realiza ida ne’e hanesan parte ida atu akumula foinsa’e Soibada oan sira hotu, atu bele kria lasu amizade hodi hametin paz no estabilidade hodi kontribui atu hetan jogadores diak hodi determina fini desportiva ida ne’ebe diak atu bele kompete ho postu seluk”.
Prezidente komisaun organizadora haktuir, komisaun realiza eventu desportu ida ne’e, tamba hetan apoiu finanseiru husi intelektuais Soibada oan sira, ho total orsamentu 1230$ ne’ebe komisaun hetan hodi realiza jogu futsal natal cup, inklui komisaun hetan finanseiru liu husi rejistasaun ne’ebe mai husi klubu sia (9) 120$, intelektuais Soibada oan no entidades relevante sira 1110
“Téknikamente premiu ne’ebe ami komisaun organizadora sei distribui ba equipa manan nain, iha torneu futsal natal cup, 2023 primeiro lugar hetan 150 dolar segundu lugar 100$ terseiru lugar 75 dolar, melhor jogador 25$, melhor markador 25 no melhor guarda rede 25, hafoin sei termina jogu iha loron 28 dezembro 2023”
Enkuantu komisaun organizadora husu Sekretariu Estadu Desportu Arte no Kultura (SEDAC) atu bele aumenta volume desportu liu-liu apoiu fundus ba atividade desportu ne’ebe hala’o iha baze hodi motiva foinsa’e promove talentu desportivu.
Entertantu, total klubu ne’ebe kompete iha eventu futsal natal cup 2023, hamutuk sia (9) ne’ebe mai husi suku lima (5) aldeia (10)’ entaun komisaun estabele rejimentu koloka kada equipa rejistadu atu bele kumpri regulamentu hodi halo resjistasaun hafoin kompete iha torneu Futsal Natal Cup ne’ebe sei hala’o iha kampu, Multi-Funsaun, Paroquia sagradu coração de Jesus Soibada
Jornalista : Guilhermino Ramos da Cruz