Hatan Ba Nesesidade Vendedor ! MDRHC Inaugura Sentina Públiku Iha Manleuana
Imajem : Diretor Infraestrutura Rural Carascalão Conceição entrega ofisialmente sentina públika ba Diretor Gestaun de Merkadu (GM) Artur Herdrique iha Manleuana, 31/07/2024SAPNewsTL,Dìli- Diresaun Jerál Desenvolvimentu Rural liu husi nia diresaun nasionál infraestrutura Rural entrega ofisialmente sentina públiku ba ekipa Gestaun Merkadu hodi responde ba nessesidade vendedor iha merkadu.
Iha entrevista, Diretor Infraestrutura Rural Carascalão Conceição hateten konstrusaun sentina iha merkadu Manleuana ne’e liu hosi koordenasaun servisu ho gestaun merkadu, nune’e bele resolve vendedor sira nia nessesidade iha área Manleuana.
“Ohin halo inaugurasaun no entrega sentina ba gestaun merkadu hodi nune’e vendedor sira ne’ebe mak faan iha fatin ne’e bele uza.”Dehan Diretor Infraestrutura Rural Carascalão Conceição, ba jornalista sira iha merkadu Manleuana,Quarta(31/07/2024)
Diretor ne’e informa, Orsamentu ne’ebe aloka ba Ministerio Desenvolvimento Rural Habitação Comunitária liu-liu ba iha diresaun jeral dezenvolvimentu rural ho estimativa husi tekniku montante 14 mil, maibe kompanha manan nain 12 mil, Nia salienta
Iha fatin hanesan, Diretor Gestaun de Merkadu Artur Herdrique hatutan hari’i sentina iha merkadu Manleuana hodi responde ba nesesidade vendedor sira ne’ebe mai husi tasi tolu, Prai de coqueiros, kampun baru ne’ebe okupa hodi faan sasan.
“Sentina ida ne’e atu responde ba vendedor sira ne’ebe mak ami muda mai iha ne’e, vendedor sira husi tasi tolu kampun baru, Tasi tolu, Elemloi,Fatuhada, Parai de coquero”. Nia sublinha
Nia salienta katak gestaun merkadu iha membru nain rua nulu resin lima(25), ne’e mak kompostu
husi seguransa tanba ne’e sei koloka membru sira hodi tau matan ba sentina públiku ne’e
Jornalista : Marcela Mery da Costa