Ispíritu Serví La Nahas ! Marciano Rekandidatu Ba Xefe Suku Luro
SAPNewsTL, Lautem: Iha Munisipiu Lautem, Postu Administrativu Luro, Xefe Suku Luro Marciano Rafael Sabino sei kandidatu dala ida tan hodi kontinua servi povu no dezenvolve Suku liu husi hadia setor agrikultura hodi hasa’e rendimentu ekonomia familia no povu nian.
Iha intrevista, Xefe Suku Luro Marciano Rafael Sabino haktuir ho Espiritu servi povu ne’ebe iha, nia hakarak kandidata dala ida tan iha periodu 2023 – 2030 hodi kontinua servi nia inan aman sira hodi dezenvolve Suku
“Ha’u nia kandidatura ba periodu ida ne’e ba dala tolu, ida ne’ebé motiva ha’u atu kandidata an maka espíritu serví inan aman durante ne’e, motiva ha’u atu mantein nafatin ha’u nia pozisaun Xefe Suku Luro”.
“Tanba buat barak ne’ebe iha ha’u nia mandatu lubuk ida mak ha’u halo ona balun mak ha’u seida’uk halo ida ne’e hanesan naha ida ne’ebe iha ha’u nia kabaas, ha’u husu responsabilidade dala ida tan atu kontinua servi”. Dehan Xefe Suku Luro Marciano Rafael Sabino iha nia knaar fatin, Sede Suku Luro, Postu Administrativu Luro, Munisipiu Lautem, 11/10/2023
Xefe Suku Luro ne’e akresenta tuir dadus ne’e ne’ebe asesu durante ne’e komunidade sira hetan rendimentu ekonomia ne’ebé minimu tebes nune’e nia parte sei haree oinsa bele hadia ekonomia familia iha Suku Luro
“Haree oituan ekonomia povu nian durante ne’e haree tuir dadus ne’ebe iha Suku hetan rendimentu ne’ebe kiik liu, balun to’o loron ida la hetan entaun oinsa ita tenke hadia ekonomia, investe iha setor turizmu, agrikulura liu husi komunika ho investidor Sira no dada investidor sira”, Marciano Afirma
Xefe Suku Marciano haklean, iha nia mandatu tinan hitu ne’ebe sei mai karik nafatin hetan konfiansa nia sei tau prioridade ba setor agrikultura no sei kolia iha tekniku sira ba area agrikultura nian hodi dezenvolve seitor agrikultura iha Suku Luro
“Ha’u haree liu ba setor agrikultura tanba ita iha rai ne’ebe potensia barak liu entaun oinsa utiliza rai bele fo benefisiu ba ita nia komunidade espesial ba ita nia komunidade agriku
“Ha’u konversa beibeik ho Xefe Aldeia sira oinsa ba oin ne’e ita hato’o ba komunidade ita tenke hamrik ona fila ita nia rai hodi bele fo rendimentu ba sira, rai ne’e tenke fo han ita maibe ita mak tenke halo, ha’u sei buka dalan ba husu ekipa tekniku sira ne’ebe hatene liu kona ba oinsa dezenvolve ita seitor agrikultura, ami tenke serbisu hamutuk atu nune’e ita dezenvolve ita nia seitor agrikultura”. Nia tenik
Xefe Suku ne’e mos kompromete sei haree mos ba eletrisidsade no bee mos inklui estrada ne’ebé seida’uk asesu ho di’ak sei rezolve iha mandate tinan hitu ne’ebe sei mai wainhira hetan nafatin konfiansa
“Kona-ba bee mos no eletrisidade iha Aldeia balun seida’uk asesu inklui estrada seida’uk asesu ho di’ak, planu iha tinan oin agora hakarak lakohi proposta ba bee mos ba Aldeia Hailarino no Aldeia seluk ne’ebe seidauk asesu bee mos tenke iha, iha mandatu tinan hitu ne’e kompromete katak bee mos no eletrisidade tenke iha ona”. Nia promete
Xefe Suku ne’e mos husu ba inan aman sira, ba povu Suku Luro nian atu kontinua depozita konfiansa ba nia hodi hamutuk nu’udar forsa ida atu dezenvolve sira nia Suku
“Husu ba inan aman, joven Suku Luro tomak katak ha’u laos foun ba imi, imi haree ona ha’u nia servisu, imi iha vontade, direitu atu hili ne’e diretiu imi nian maibe hanesan imi nia oan hanesan imi nia alin husu nafatin atu apoiu nafatin ha’u ita servisu hamutuk, ho ita bo’ot sira hotu hamutuk hanesan forsa ida para dezenvolve ita nia suku ne’e ba oin”. Nia hameno ba oin
Jornalista : Luis Pailofo