Jornalista SAP Komemora Loron FALINTIL, SAPNewsTL Hamri’ik Ho Ispiritu FALINTIL

SAPNewsTL, Dili, 20/08/2022: Média SAP News Timor Leste halo reflesaun komemora loron Falintil ba dala XLVIII, iha diskursu Direktor  Ezekutivu  SAPNewsTL Sergio Silva Da Costa iha hateten, loron  rua-nulu fulan agostu loron ida ne’ebe importante tebes, iha ne’ebe Forças Armadas da Libertasaun Nasionál  Timor-Leste nia  komemora  ninia  ezistensia ba dala  XLVII, Joven Milenial tenki luta hodi fo kontinuidade ba espetativu heroi sira nian

“SAPNewsTL hambriik ho Ispiritu FALINTIL, Ita Jornalista SAPNEWSTL  hamutuk  fo  honra no gloria ba ita nia luta  nain sira, sira  ne’ebe luta  ba liberdade, luta ba justisa, direitus humanus,luta ba demokrasia, sira  fo  an ba mate, ruin naklekar, ran nakfakar, terus, susar, barak maka mate rate laiha ikus mai kuaze 300.000 pesoas mate nakfilak ba ita nia rain sai nasaun ida iha mundu nia matan”. Tenik Diretor SAPNewsTL Sergio iha Kampus Sentral UNTL, Dili, 20/08/2022

Director ne’e akresenta, jerasaun milenial presiza banati tuir no fo kontinuidade ba luta ne’ebe sira  Falintil Funu nain sira halo iha tempu resisteénsia

“Ita nia heroi sira luta no sakrifisiu fo mai ita livre no demokrátiku, ohin loron ita gerasaun milenial,gerasaun dijital,gerasaun foun, ita hamutuk hodi fo kontinuidade hamriik iha sira nia ain fatin luta ba ema nia moris diak, moris ho dignu, moris ho dignidade, moris ho orgullu,moris ho nesesidade ne’ebe  sufisiente atu labele iha diskriminasaun,violasaun direitus humanus, kiak, terus, no ema hotu tenki seguru livre bainhira nia la’o ba mai “. Nia akresenta

Direktor ne’e aumenta, hafoin ukun an durante tinan ruanulu, sosiedade enfrenta variedade preokupasaun sira hanesan Problema sosial, kultural, ekonomia no politika

“Ita nia nasaun enfrenta hela  situasaun ida ne’ebe maka difisil, Timor-Leste sofre inflasaun, ita nia númeru dezempregu kontinua sai aas, ita nia joven kada fulan sempre ba rai liur,maibe ita la konta ema nain hira  maka tama mai ita nia nasaun,osan hira hatama husi rai liur maibe osan hira mak sai husi ita nia estadu ba fali nasaun seluk, ita tenki kunhese ita nia problema real nasaun nian”. Hatete nia

Iha fatin hanesan Jornalista SAPNEWSTL  Jonh Marito Hatutan, hanesan joventude milenial  hato’o nia parabens ba heroi sira ne’ebe luta ba libertasaun nasional

“Ita nia parabens ba Falintil sira, heroi hotu-hotu, husi sira ohin ita hamriik, hamriik hodi luta, Ita nia oportunidade ne’e sei mai barak, ita hanoin netik ba heroi ne’ebe maka luta ba ukun rasik aan, sira luta tanba ita nia nasaun Timor-Leste, ita joven lalika dukur demais tanba oportunidade mai sei barak hanesan bolsu estudu ba rai liur, servisu iha Australia, Korea do Sul no Irlandia, nune’e  bele dezenvolve ita nia rai”. Dehan nia

Enkuantu, SAPNewsTL hari’i iha loron 26 Fulan Fevereiru Tinan 2021, hamriik ho vizaun ‘Hari’i Timor ida Justu, Solidáriu, Prósperu no Fraternu tuir Prinsipiu no Valor sira ukun rasik an nian’, portantu,   iha reflesaun ne’e hetan partisipasaun maksimu husi estrutura jornalista Média SAPNewsTL inklui membru sira ruanuulu resin.

Jornalista : Pascoela Da Conceição

Editor  : Ekipa Editorial