KRAM Prontu Transfere Subsidiu 2,5 Milliaun Ba AM 17, Durante Tinan 4
Imajen: Prezidente KRAM Fernando da Costa
SAPNewsTL, Dili: Komisaun Regulador Arte Marsial (KRAM) prontu halo transferensia etapa dahuluk ba Organizasaun Arte Marsial (OAM) 17 iha Timor-Leste konforme prospota husi organizasaun rasik no iha ona responsabilidade ba orsamentu ne’e rasik.
“Ami hakarak halo transferensia subsidiu millaun 2,5 ba organizasaun arte marsial 17 lais liu ne’e diak liu bainhira sira iha planu klaru iha responsabilidade ne’ebe agora iha federasaun shorinji kempo buat hotu klaru, tempu badak ita halo ona transferensia orsamentu subsidiu etapa dahuluk nian ba sira no sira seluk sei halo audiensia bainhira buat hotu los ona KRAM prontu para halo transferensia ba konta bankaria kada organizasaun arte marsial nian”, dehan Prezidente Fernando da Costa ba jornalista sira iha nia knaar fatin Lecidere, Dili tersa (7/03/2023).
Prezidente ne’e hatutan, sira halo transferensia ona bainhira organizasaun sira iha planu durante tinan ida no responsabiliza klaru depois sira produz akordu ho KRAM, sira halo transferensia etapa dahuluk nian bazeia ba sira nia programa durante tinan ida nian fo uluk 40% ezekuta la iha problema depois mak fo fali 60% bainhira ezekuta servisu etapa 100% la iha problema no responsabilidade mak halo fali transferensia ba etapa daruak maibe karik sira hetan difikuldade KRAM prontu ajuda sira para halo hotu.
Fernando informa, sira mos buka solusaun ba se mak responsabiliza ba orsamentu ne’e iha federasaun laran atu nune’e orsamentu KRAM transfere ba la iha konfuzaun, KRAM sei halo transferensia orsamentu ba planu organizasaun arte marsial durante tinan haat husi etapa haat kada tinan ida etapa ida bazeia ba organizasaun arte marsial sira nia programa kada tinan nian tanba orsamentu fahe ona organizasaun arte marsial 17 ho pakote ida-idak nian.
Nia akresenta, prosesu la’o hela tanba iha fulan kotuk halo sosializasaun orsamentu subsidiu millaun 2,5 ba organizasaun arte marsial sira, daudaun ne’e halo audiensia ho organizasaun ida-idak hodi halo esplikasaun ba sira nia orsamentu detallu ba sira nia planu ne’ebe planu lima mak sira sei halo ba fundu ida ne’e mak jestaun organizasaun, resensiamentu ba membru sira, formasaun ba treinador no arbitu sira, kompetisaun internal no sede ne’ebe montante orsamentu ne’ebe federasaun 17 sei simu mak boxe hetan 143, 700 USD, Muay-Thai simu 111, 300 USD, Taekwondo simu 134,600 USD, karate-Do simu 134, 000 USD, Shorinji Kempo hetan 96, 900 USD, Aikido simu 90,500 USD, Wushu simu 96,800 USD, Judo 79,300 USD, IKS PTL simu 335, 467 USD, PSHT hetan 335, 467 USD, KORK simu 335, 476 USD, Seruling Dewata simu 87, 700 USD, Perisai Diri simu 87,300 USD, Padjadjaran simu 94,100 USD, THS-THM Gerbawasi 90,900 USD, Sinar Putih simu 88,400 USD, Federasaun Silat Timor-Leste simu 169, 100 USD no Sekretariudu 29,900 USD.
Reportajen: Augusto dos Santos