Kria Lasu Amizade ! Komunidade Luro Realiza Jogu Tradisional & Voleibol
Imajem : Komunidade Luro realiza desportu komunitariu iha Lautem, 07 Maiu 2025
SAPNewsTL, Lautem: Iha komemorasaun loron restaurasaun independensia 20 Maiu ba dala XXII, Komunidade Postu Administrativu Luro Munisรญpiu Lautem realiza desportu komunitariu ho modalidade voleibol ho objektivu atu hametin lasu amizade no kria paz.
Denilia Soares – SAPNews
Diretor Nasional Desportu husi Ministeriu Juventude Desportu Arte no Kultura Egas Freitas de Rossa informa iha teritรณriu Timor tomak realiza aktividade desportu komunitariu neโe hodi komemora loron restaurasaun independensia ba dala 23ยฐ.
“Aktividade desportu komunitariu neโe realiza iha Postu Administrativu haatnulu signifika katak ita iha Postu Administrativu ruanulu resin mak la iha oportunidade atu hala’o aktividade desportu komunitariu, eventu ne’e hodi komemora 20 de Maiu”. haktuir Diretor Nasional Desportu Para Todos – MJDAK Egas Freitas de Rossa iha abertura jogu komunitariu iha Posto Administrativu Luro Munisรญpiu Lautem, 7/05/2025
Diretor Egas haklean objektivu husi desportu komunitariu neโe atu hametin lasu amizade, kria paz no fo espasu atu hatudu sira nia talentu hodi kontinua prepara an ba kompete.
“Objektivu husi aktividade desportu komunitariu mak kria paz no fraternidade, desportu ida ne’e mos atu fo oportunidade ba ita boโot sira ne’ebe mak durante ne’e iha talentu liu husi ida ne’e bele ekspresa imi nia talentu”.
“Kontinua prepara imi nia an sai hanesan ekipa ida ne’ebe mak sei defende imi nia Postu kompete iha nivel boot tanba ne’e presiza ita boot sira hotu nia kontribuisaun, kontribuisaun ita boot sira nian la’os deit jogu ida ne’e to’o remata maibe sai fator determinante iha planu ami nian tinan 2026 tanba jogu desportu komunitariu neโe la’os ita bo’ot sira manan ka lakon ne’e maibe atu hametin paz”. Tenik Diretor
Iha fatin hanesan, Administrador Postu Administrativu Luro Gaspar Xavier hateten loron restaurasaun independensia ne’e loron importante tanba ne’e realiza desportu komunitariu neโe hodi anima komunidade sira.
“Jogu komunitariu neโe ita hala’o atu komemora loron restaurasaun independensia 20 Maiu ba dala ruanulu resin tolu tanba ida ne’e la’os loron baibain maibe ne’e loron nasional ne’ebe importante no istรณriku, ita tenke anima ita nia komunidade sira liu husi jogu sira neโe”. Dehan APA Luro
APA Luro mos husu ba ekipa sira ne’ebe partisipa iha jogu ne’e atu respeita malu, hatudu dixiplina iha jogu hodi harame no anima komunidade sira.
“Husu ba imi joga ho dixiplina, respeita malu tanba la’os kestaun lakon ka manan maibe oinsa ita anima ita nia komunidade sira hodi komemora loron restaurasaun independensia, ita tenke kontente tanba ita bele realiza jogu ida ne’e”. Tenik Gaspar
Imajem : Jogu Komunitariu iha Luro, Lautem
Prezidente Komisaun Organizadora ba eventu desportu komunitariu Abilio do Rosario agradese ba Ministeriu Juventude Desportu Arte no Kultura tanba bele apoiu orsamentu ba aktividade desportu komunitariu.
“Agradese ba MJDAK ne’ebe apoiu orsamentu ho total dolar rihun tolu atus lima ( $ 3,500) ba aktividade desportu komunitariu ba Postu Administrativu Luro hodi komemora loron restaurasaun independensia ba dala XXIII”. Nia agradese
Entretantu, ekipa sira neโebe partisipa iha jogu voleibol hamutuk ruanulu (20) kompostu husi Ekipa Feto hamutuk ualu (8) no ekipa mane hamutuk sanulu resin rua (12) husi Postu Administrativu Luro.
Enkuantu, aktividade sira ne’ebe realiza iha รขmbitu komemorasaun loron restaurasaun independensia ba dala ruanulu resin tolu iha Postu Administrativu Luro aleinde jogu voleibol mak sei desportu tradisional hana kaleik, halai maratona, halai karon no dada tali.