La Iha Jogu Kontinuasaun, Klube Nagarjo Ho FIEL Deside Impata 2-2
Imajen: Diretor Relasaun Publika No Diretor Kompetisaun Orgaun LFTL Hamutuk Diretor Arbitrajen Ho Prezidente Nagarjo FC No FIEL FC Iha Estadium Munisipal Dili, Domingu 19/03/2023.
SAPNewsTL, Dili: Klube Nagarjo FC ho Fitun Estudante Lorosa’e (FIEL) FC deside impata 2-2 la iha tan ona jogu kontinuasaun tanba antes ne’e jogu para iha minutu 78 tanba klube rua la satisfaz ho arbitrajen nia desizaun.
“Iha kinta semana ne’e ita nia jogu klube Nagarjo FC kontra FIEL iha minutu 78 ho skore provizoriu impata 2-2 jogu para tiha tanba iha porblema klube rua la satisfaz ho desizaun arbitrajen nian entaun jogador husi ekipa rua hamutuk ho arbitrajen sira husik kampu rezolve problema ne’e maibe la konsge rezolve iha momentu ne’eba entaun parte orgaun LFTL, arbitrajen no klube rua foti desizaun adia tiha jogu ne’e maibe ohin LFTL hamutuk arbitrajen no klube rua konkorda ona desizaun final katak jogu minutu 12 sei la kontinua ona rezultadu jogu impata 2-2”, dehan diretor relasaun publika Diogo Neto Fraga ba jornalista sira iha Estadium Munisipal Dili, domingu (19/03/2023).
Diretór hatutan, orgaun LFTL, arbitrajen no klube rua foti desizaun jogu minutu 12 labele kontinua hafoin rona razaun husi klube rua katak bainhira jogu kontinua fo impaktu ba sira nia preparasaun ba jogu tuir mai nian ne’ebe sira hakarak anunsiu ba amante futebol sira katak jogu entre Nagarjo FC kontra FIEL FC sei la kontinua ona.
Entretantu skore 2-2, golu husi Nagarjo FC marka husi jogador Nelson Freitas iha minutu 38 ho minutu 47 no golu husi FIEL FC marka husi jogador Angenuco Viegas iha minutu 63 no 64, to’o minutu 78 jogu tenki para tanba arbitrajen foti desizaun fo suta penalidade ba ekipa FIEL FC tanba arbitrajen konsidera bola kona jogador Nagarjo nia liman iha area penalidade maibe desizaun refere halo ekipa Nagarjo la satisfaz ne’ebe hamosu emosaun hirus prezidente Nagarjo FC nian hodi soe kadeira husi tribun ba kampu no jogador Nagarjo FC haksesuk malu arbitrajen iha Estadium Munisipal Dili.
Depois jogador Nagarjo FC sira haksesuk malu arbitrajen prinsipal iha jogu refere ne’e arbitrajen la konsisten ho nia desizaun husu fali asistente arbitrajen daruak no arbitrajen rezerva atu anula fali nia desizaun nune’e jogador sira husi FIEL FC hato’o kestaun fali tanba desizaun arbitrajen prinsipal hatudu ona suta penalidade, lakoi dada naruk problema ne’e parte koordenador jogu nian bolu treinador ho kapitaun husi ekipa rua hamutuk ho arbitrajen sira husik kampu rezolve problema ne’er iha edifisiu orgaun liga nian ne’ebe la konsege rezolve problema ne’e iha momentu ne’eba maibe ohin parte orgaun LFTL, arbitrajen no klube rua iha desizaun final konkorda malu jogu rezultadu final impata 2-2 ne’ebe jogu minutu 12 la kontinua ona.
Reportajen: Augusto dos Santos