Lakon Kontra Canisius ! Joanico Kontinua Sadik Mariano Sa’e Ring, Konsidera “Subar De’it”
Imajem : Boxista Joanico Babo Gomes iha Hudi-Laran, 26/12/2024. Foto : Ekipa SAPNews
SAPNewsTL, Dili : Hafoin partisipa the ultimate boxing iha ámbitu Commemoration 10 Years of Guardian Angle Entertainment Existence. Boxista Joanico Babo Gomes (Joni W) sadik Mariano da Costa hosi SM News Timor hodi sa’e ring.
Hafoin hetan derrota kontra Canisius Bria da Conceição (Titi Nizia), Boxista Joanico Babo hateten lakon ka manan importante sa’e ring tanba so sa’e ring mak bele hetan medalla, rekunhesimentu no apresiasaun.
“Lakon ka manan, importante sa’e ring, ohin ha’u lakon, ha’u sente ne’e normal, ida ne’e hanesan experiensia diak, ami foin aprende, ami sei dezenvolve diak liutan, sai boxista profesional hodi lori Timor ba oin”. Tenik Joanico Babo Gomes iha Hudi-Laran, 26/12/2024.
Imajem : Boxista Titi Nizia hasoru Joni W iha Hudi-Laran,26/12/2024. Foto : Ekipa SAPNews
Maske hetan derrota, maibe Joanico kontinua sadik Mariano da Costa hodi bele sa’e ring iha futuru tanba nia parte konsidera Mariano sai targetu ida ne’ebe nia hein durante ne’e.
“Ba oin ha’u sadik Mariano, tanba agora nia subar deit, ha’u hakarak sa’e ring hasoru nia”. Nia hein
Fo hanoin fali katak, antes ne’e, Joanico husu Mariano da Costa (atual Diretor Ezekutivu Mídia SM News) liu hosi entrevista via online, maibé Mariano seidauk hola desizaun ligadu ho nia rekomendasaun refere.
Hafoin notísia ne’e publika, SAPNews seidauk halo komfirmasaun ho Mariano da Costa ligadu ho pedidu sa’e ring husi Joanico Babo Gomes hato’o liu hosi entrevista iha Hudi-Laran.
Iha parte seluk, Joanico mós husu ba joven sira hodi hatudu jagoan ka expertu liu hosi sa’e rin, labele tuku malu iha dalan ninin tanba ne’e la fo efeitu pozitivu ba dezenvolvimentu Juventude iha prezente no futuru.
“Ba joven sira labele tuku malu iha dalan ka iha liur, jagoan ne’e sa’e ring deit, bainhira ita sa’e rin ita hetan premiu no apresiasaun”.
Boxista ne’e fo boas festas santu natal no felix tinan foun ba Timor oan sira hodi moris ho haksolok liutan iha tinan 2025.
Jornalista : Marciana da Conceição
