Lansa Sentru KEmON ! Assanami Husu Pessoal Saúde Servisu Ho Profisional
Imajem : Vise-Primeiro Ministru, Ministru Dezenvolvimentu Rural no Habitasaun Komunitaria (MDRHK), Mariano Assanami Sabino hamutuk ho Reprezentante Embaixadora Australia Catlin Wilson lansa Sentru KEmON iha Gleno, 23/04/2024. Foto : Marcela Mery da Costa
SAPNews TL, Ermera – Vise-Primeiro Ministru, Ministru Dezenvolvimentu Rural no Habitasaun Komunitaria (MDRHK), Mariano Assanami Sabino, ofisialmente lansa Sentru Kuidadus Emergensia Obstretiku no Neonatal Basiku (KEmON sigla Portugués) iha sentru saúde Gleno Postu Administrativu Ermera Munisípiu Ermera.
Vice-Primeiro Primeiru hateten, Xefi Saúde no pessoal saude sira hotu iha Munisípiu Ermera presija serbisu ho profisionalismo liu tan hodi halo atendementu ba pasiente sira ho diak, liu-liu liga ba serbisu Kuidadus Emergensia Obstretiku no Neonatal Basiku hodi halo atende salva inan isin-rua no inan tuur-ahi inklui bebé sira.
“Ita hotu agradese ba embaixada Australia tamba apoiu Governu Timor-Leste liu husi United Nations Population Fund (UNFPA) hodi hadia asitensia ba area serbisu Ministériu Saude nian iha Timor-Leste, nune’e Governu Timor-Leste hamutuk ho Embaixadora Australia no Reprezentante United Nations Population Fund (UNFPA) ita konsege lansa ona Sentru Kuidadus Emergensia Obstretiku (KEmON”.Dehan Vice-Primeiru (MDRHK), Mariano Assanami Sabino iha sentru saúde Gleno, Tersa (23/04/2024)
Iha oportunidade hanesan Reprezentante Embaixadora Australia Catlin Wilson, argumenta
Previleziu tebes partisipa iha serimónia importante lansamentu Sentru Kuidadus Emergensia Obstretiku no Neonatal Basiku, ida ne’ebe Governu Australia hanesan parseria ho Governo Timor-Leste desde uluk ate agora, hodi apoiu serbisu Ministériu Saúde nian iha teritoriu nasional.
“Previleziu ida mai hau hodi observa direita prosesu implementasaun impaktu direita ba ita nia komunidade sira, entaun Importante tebes hanesan doutora hateten sentru ermergensia laos deit fasilidade foun ida maibe United Nations Population Fund servisu hamutuk ho Ministeiru Saude fo ona treinamento ba ita mediku sira enfermeiru no parteira sira nune’e ami apoiu ekipamentus saúde atu bele tulun serbisu kritiku ida ne’e lao ho diak”.
Embaixadora Australia Catlin Wilson, hatutan nia parte senti triste tebes bainhira rona husi representante United Nations Population Fund iha Timor-Leste publika taxa mortalidade kontinua aumenta iha kapital Dili inklui Munisipiu sira seluk bainhira inan isin rua sira tur ahi ho nune’e kada uma maternidade ne’ebé eskolla ona bele tulun pessoal saude sira serbisu ho profisional
Entertantu, Reprezentante United Nations Population Fund iha Timor-Leste Bruce Campbell afirma, serimónia lansamentu ida ne’e marka istoria bo’ot durante serbisu UNFPA fo apoiu, Ministériu Saude kontinua lansa Sentru Kuidadus Emergensia Obstretiku no Neonatal Basiku (KEmON) ba dala lima, tuir planu UNFPA sei kontinua suporta Ministériu Saúde lansamentu tan sentru KEmON-Baziku 22 iha futuru.
“Kualidade servisu ne’e importante tebes iha atendimentu inklui servisu saúde nian tanba ne’e mak UNFPA nia komprimisiu hakarak melhora kualidade servisu no halo treinamemtu ba formador espesialista sira hodi hasa’e kapasidade rekursu umanu atu bele redus numeru taxa mortalidade inan no oan”
Serimónia lansamentu ne’e finansia husi Governu Australia no implementa husi United Nations Population Fund (UNFPA sigla inglhes) ho montante orsamentu kada fasilidade gastu sinku 5 mil dolares ba equipamentus 50 mil dolares no 30 mil dolares ba treinamentu.
Enkuantu, iha serimónia lansamentu ne’e partisipa husi, Vice-Primeiro Ministru,Ministru Dezenvolvimentu Rural no Habitasaun Komunitaria (MDRHK), Mariano Assanami Sabino, Ministru dos Asuntus para Fortalesimentu das Instituisaun de Saúde, José dos Reis Magno, Vice Ministru Apoiu Servisu Hospitalares, Flávio Brandâo Mendes de Araujo,Embaixadora Australia ba Timor-Leste, Catlin Wilson Reprezentante United Nations Population Fund (UNFPA) Bruce Campbell, Prezidente Autoridade Munisipiu Ermera, Jose Martinho dos Santos Soares Xefi Saude sira no Reprezentante Autoridade lokal
Jornalista : Marcela Mery da Costa