Lideransa APC Foun Sei Foku Ba Prevensaun & Seguransa Vida Humana
Imajem : Presidente APC Jesuino da Reis Matos Carvalho iha Salaun APC Kaikoli, 22/07/2024
SAPNewsTL, Díli – Reforsa serbisu instituisaun, hodi garantia sustentabilidade ba dezenvolvimentu, Sekretariu Estadu Protesaun Sivil, Domingos Mariano Reis, akompanha Prezidenti Autoridade Protensaun Sivil (APC sigla Portugués) sesante entrega kna’ar ba novu Prezidente APC Jesuino da Reis Matos Carvalho.
Tuir Sekretariu Estadu Protensaun Sivil Domingos Mariano Reis hateten, serimonia entrega kna’ar ba Prezidente APC foun hanesan evolusaun politika ida ne’ebe signifikativu iha instituisaun hodi fó poder ba dirijente sira atu toma responsabilidade administrativa bainhira lidera instituisaun APC.
Sekretariu Estadu Protensaun Sivil Domingos Mariano Reis
“Ohin Prezidente APC sesante entrega ona serbisu ba Presidente Autoridade Protensaun Sivil foun ho nia ekipa signifika mosu evolusaun politika ne’ebe signifikativu, hala’o trabalha foun ne’ebe atu garantia sustenbilidade ba desenvolvimentu”. Dehan Sekretariu Estadu Protensaun Sivil Domingos Mariano Reis ba jornalista sira liu husi nia diskursu iha Salaun APC Kaikoli, (22/07/2024).
Nia salienta, kna’ar foun ne’ebé entrega ba atual Prezidente Autoridade Protesaun Sivil, Jesuino da Reis Matos Carvalho hanesan, responsabilidade boot ida, hodi bele prepara resposta emerjensia no fo informasaun, atu bele asegura vida humana, bainhira hasoru risku ba dezastre iha territóriu nasional.
“Iha artigu 10 sistema segurança nasional ne’ebe deklara kona-ba entrega poder politika ba Autoridade Protensaun Sivil integra iha sistema segurança nasional, katak ema ne’ebe asume kna’ar presidente APC kategoria nu’udar komandante maske ho kolabora ho parte seguransa sira hanesan PNTL no F-FDTL “. Tenik nia.
Imajem : Presidente APC Sesante Ismael da Costa Babo
Presidente APC Sesante Ismael da Costa Babo,informa durante nia mandatu atinje ona prioridade haat(4), ne’ebe konsege instala Autoridade Protesaun Sivil iha nasional to’o munisipiu
“Durante nia mandatu atinje ona iha prioridade haat (4), mak hari’i instrusaun hodi hare’e ba asuntu legais, infraestrutura, kondisões no kapasitasaun rekursu umanu no kooperasaun iha Autoridade Protesaun Sivil nia laran, linha ministeriais no parseiru dezenvolvimentu sira no kosege instala Autoridade Protesaun Sivil iha nasional to’o munisipiu”.
Papel Autoridade Protensaun Sivil maka atu tulun komunidade sira bainhira hasoru dezastre natural no fo apoia emerjénsia ba vítima dezastre sira iha territóriu nasionál.
Enkuantu partisipa iha serimónoa hand over ne’e maka Presidente Sesante Ismael da Costa Babo, Presidente aktual Jesuino da Reis Matos Carvalho, Sekretariu Estadu Protesaun Sivil Domingos Mariano Reis no funsionáriu Autoridade Protesaun Sivil.
Jornalista : Juvita Guterres