MAE Sei Fahe Quelicai & Maubara Ba Postu Administrativu Haat

SAPNewsTL, Dili: Ministeriu Administrasaun Estatal (MAE) sei fahe postu adminsirativu Quelicai ba tolu no Maubara fahe ba rua bainhira prosseu levantametu dadus remata

“Prosesu atu fahe Postu Administrativu Quelicai ba tolu no mós Postu Administrativu Maubara fahe ba rua, MAE sei tun ba halo konfirmasaun levantementu dadus ba divizaun administrativu ba postu ne’e klaru tiha ona, hafoin ekipa tekniku sei tun fila fali halo sei bele fó nia serteza.” dehan Vise Ministru MAE Torexao de Jesus ba jornalista hafoin reuniaun konsellu Ministru iha Palásiu Governu, Kuarta (11/01/23).

Vise Ministru ne’e hatutan, proposta fahe postu administrativu Quelicai ho Maubara aprezenta ona ba konsellu ministru maibe la’os kompetensia konsellu ministru, konsellu ministru aprova proposta lei haruka ba Parlamentu Nasional mak foin bele aprova lei ne’e kona-ba forma postu nian ho diploma ministerial tanba proposta ne’e seidauk haruka ba Parlamentu Nasionál agora sei iha sede nia laran hela, seidauk hatene bainhira mak lori ba Parlamentu Nasionál tanba agora dadaun sira sei aselera hela proposta balun foin tama hotu mak sira aprezenta fali mai konsellu ministru hafoin haruka hotu ba parlamentu hodi aprova

Nia informa, sira mos planeia hela Fatumaca sai postu administrativu depois tuir fali mak Maubisse fahe ba postu rua nia sentru ne’e tau iha suku ida Maulau, horseik ekipa tekniku desentralizasaun administrativa nian ba ona para atu halo levantementu dadus, sira iha planu nia laran ona, sira komesa la’o ona antes hakat ba eleisaun parlamentár, Entretantu la’os muda postu de’it maibé mós ba suku balu iha territóriu tomak oinsá prosesu atu sai mós suku foun, sira iha ona planu feitu tiha ona atu forma tan suku foun 20 ba to’o iha 40 ne’ebé mak priense ona rekezitu ona.

Jornalista : Antonio Tilman