MS No KFP Lansa Manual Deskrisaun Serbisu & Avaliasaun Dezempenhu
Imajen Partisipantes iha serimonia Lansamentu, iha Hotel Timor Colmera , Dili Kinta (19/01/2023)
SAPNewsTL, Dili: Ministeriu Saúde halo Lansamentu manual ba dezenvolvimentu deskrisaun serbisu no manual avaliasaun dezenpenhu, iha ne’ebe hetan sasin husi komisaun funsaun publika, lansamentu ne’e mai husi prosessu servisu hamutuk ida maka’as teb-tebes entre ministru saude ho Komisaun Funsaun Publika (KFP).
“Lansamentu manual ne’e rezultadu servisu hamutuk entre MS ho KFP ne’ebe kompostu husi instrumentu prinsipal rua iha ambitu jestaun rekursu nian, oinsa atu halo deskrisaun servisu no avaliasaun desempeñu ba profisional saude sira”. Dehan Presidente KFP Faustino Cardoso Gomes ba Jornalista iha Hotel Timor Colmera , Dili Kinta (19/01/2023)
Presidente KFP Faustino Cardoso Gomes
Prezidente hatutan, avaliasaun instrumentu prinsipal ba jestaun rekursu umanu iha ne’ebe de’it inklui mos iha ministru saude nian, KFP marka prezensa atu hatudu katak sira nia responsabilidade hotu, agora sira destaka oinsa sira la’o hamutuk iha ninia implementasaun tenki dispozisaun hatudu determinadu atu implementa hodi aproveita saida mak sei falta atu bele kompleta tempu tuir mai.
Iha fatin hanesan Ministra Saúde Odete Maria Freitas Belo konsidera rekursu umanu sai pilar importante ba MS, mosu probelma lubuk ida ba rekursu umanu mak durante ne’e MS hasoru tanba la iha baze legal ruma
“Ita nia rekursu umanu sai pilar importante ida ba MS, durante ne’e rekursu umanu mosu problema lubuk ida mak ita hasoru ne’ebe ita presiza hare’e atualmente tanba ita laiha baze legal ba gestaun ba rekursu umanu”, tenik Ministra
Ministra Saúde Odete Maria Freitas Belo
Ministra akresenta, servisu hamutuk ho KFP felizmente sira mos iha baze legal seluk ne’ebe mak fo dalan ba MS atu fo jestaun ba rekursu umanu ba pessoal saude ne’ebe mak professional sira, liuliu ba mediku, infermeiru, parteira no tekniku sira ne’ebe liga direitamente ho pasiente sira.
Nia informa, daudaun ne’e sira mos utiliza hela rejime jeral halo avaliasaun desempeñu ba sira nia professional saude sira maibe avaliasaun ida ne’e seidauk sufisente, agora lansa ona manual ne’e fo espesifiku ba sira nia profisional saude sira ne’ebe mak iha regime espesial, iha manual ida hodi sai sasukat ida bele avalia sira nia desempeñu servisu nian.
Reportajen: Marcela Lemos & Esmeralda Da Silva