Selebra Misa Solene & Posse Ba Pe. Fidelio, Sarani Atsabe Simu Bensa Husi Kardeal

SAPNewsTL, Ermera : Sua Eminecia Virgilio Cardeal do Carmo da Silva SDB,  Selebra Missa no Fo Tomada de Posse ba Padre Foun Fidelio da Cruz ne’ebé hetan Kna’ar husi sai Padre Paroco São  Jose Operario Atsabe

Iha Intervista Sua Eminencia Dom Virgilio Cardeal do Carmo da Silva SDB hateten, Objetivu prinsipal husi vizita ne’e hodi fo tomada de posse ba Padre Pakoku Foun no fo bensa ba sarani Atsabe sira hanesan Kardeal

“Ha’u mai vizita iha ne’e atu akompanha no fo Posse ba Paroco foun, Pe. Fidelio da Cruz , Mesmu Tempu, nu’udar Kardeal ha’u seidauk mai vizita iha ne’e, entaun ha’u mai mos, nu’udar Kardeal mai vizita hodi fo bensa ba sarani sira”. Dehan Sua Eminecia Virgilio Cardeal do Carmo da Silva SDB Ba Joralista sira iha Parokia Atsabe, 22/01/2023

Sua Eminecia konsidera eventu boot ne’e furak, tanba marka buat rua, vizita nu’udar Primeiru Cardeal mai Paroquia Atsabe, mezmu tempu halo tomada de posse ba paroku foun, Kardeal mos fo agredese ba paroku tuan ba servisu ne’ebé sira hala’o durante ne’e mandatu

Entretantu, Kazu Darlau ne’ebe ema deskunhesidu estraga estatua, Kardeal espera liu husi dalan dialogu sei buka solusaun no solusiona problema ne’e

“Relasiona ho kazu Darlau ne’e ninian, ita hatene katak iha ema deskonesidu, ne’ebé estraga tiha estatua iha foho Darlau, horikalan ko’alia tiha ona ho sarani sira, dialogo buka dalan oinsa para hetan solusaun ba problema estraga estatua iha Darlau nia leten, ne’e maka vizita ida horseik ninian tau hamutuk buat sira ne’ebé maka akontese”.Tenik Kardeal

Enkuantu, Kazu Estraga Estatua iha Foho Darlau iha ona fzae investigatigasaun, ne’ebe iha ona ministeriu publiku

“Agora ita hein, husi rezultadu ida ne’e, mak ita bele foti asaun ne’ebé tuir mai, ne’e duni husi ida ne’e maka ha’u, fo hanoin ba sarani sira atu dala ruma ita hadia tiha fatin furak no kapas, maibe ita la ba atu reza iha fatin ne’eba”. nia sublinha

Nia akresenta,  sarani sira sempre uza Primeiru Kardeal, rekonesementu ida uma kreda fo ba ita nu’udar Igreja Kiikoan, povu kikoan, maibe povu ida ne’e nia fiar, maibe rekonesementu universal, rekonesementu kredo, husi mundu ida ne’e

“Husu mos katak, La’os tanba deit ha’u, maibe tanba deit sarani sira ne’e mak titlu ida ne’e mai, i hau mai ne’e mos ha’u lori atributu sira ne’ebé, atributu Kardeal ne’e atu, laos deit buat ne’e mai ha’u, La’os haksolok deit maibe ne’e hanesan responsabilidade sarani hotu nian”. Nia hatete

Iha fatin hanesan Amu Paroku Foun Pe.Fidelio da Cruz  Agradese ba oportunidade no konfiansa hodi servi sarani durante tinan hitu, ao mesmu tempu hetan posse husi Kardeal sai padre paroku ba Parokia Atsabe

“Primeiru agradese ba maromak liuliu ba grasa ne’ebé maromak haraik mai ha’u, durante ne’e ha’u simu kna’ar Ordena nu’udar nai lulik durante tina hitu(7)ona, agredese ba konfiansa, ne’ebé amu bispo, dipojita mai ha’u, liu liu nu’udar nai lulik foun, paroquia foun, Espriensia foun ne’ebé, durante ha’u hetan, moris nu’udar nai lulik iha tinan hitu(7) nia laran, ohin bele simu posse husi Kardeal hodi servi sarani Atsabe oan sira”. Realsa Pe.Fidelio da Cruz

Padre Paroku foun ne’e hatutan, misaun ne’e nai maromak Nia, Nai Lulik hanesan instrumentu deit, Amu Lulik La’os servisu mesak, maibe servisu hamutuk ho sarani sira iha Paroquia Atsabe ida ne’e kolabora hamutuk, liuliu ba Xefe Pastoral ne’ebé paroquia iha, nu’udar asistensia Pastoral, Importante maka servisu ba salvasaun klamar sarani sira nian

Entretantu, Pe.Fidelio da Cruz  antes ne’e nu’udar Amu Paroku Paroquia Atsabe hafoin ordenasaun iha 2006, Amu Bispu haruka Nia ba Paroquia São Pedro, São Paulo Aileu, durante tinan rua(2) hotu tiha nia kontinua servisu nu’udar Amu Vigario Paroquial Ermera, hafoin husi paroquia Ermera ba Paroquia Atsabe

Padre Paroku ne’e garante sei servisu hamutuk ho sarani sira hodi lori Parokia Atsabe tuir maromak nia vontade

“Esperansa mak ne’e, maibe La’os ha’u nia Esperansa, sarani paroquia Atsabe ninia Esperansa, liuliu esperansa atu lori paroquia ida ne’e, la’o tuir, La’os ita nia hakarak, maibe la’o tuir maromak nia vontade”Nia hakotu.

Enkuantu, Iha Misa solenidade ida ne’e hetan partisipasaun maksimu husi Sarani Parokia Atsabe sira hanesan Autoriedade Lokal, Komunidade, no Juventude sira inklui grupu kategriais sira hanesan Eskuteirus, THS-THM, Akolitos no sira seluk tan

Journalista: João Marito