Defensor Públiku Konsidera Desizaun Tribunal Ba LM Merese & Sai Lisaun Ba Futuru

Defesor Publiku Fernando L. Carvalho, iha edifisiu Polícia Científica de Investigação Criminal (PCIC), kuarta, 18/01/2023.

SAPNewsTL, Dili: Defesor Publiku (DF) Fernando L. Carvalho hatete,  apreensaun no  buska arma no munisaun iha (LM) nia rezidensia la tuir lei ka ilegal  labele lori ba tribunal, tan ne’e tribunal bele imediata obsiozamente deklara libertadu, normalmente ba kazu hotu-hotu, sekuandu la tuir formalismu legal ne’ebe mak lei ezizi tenke ser hanesan ne’e.

“Apreensaun no buska  ne’e tenki bazeia ba mandadu  tribunal nian, tribunal mak bele hasai despaisu para bele kaer ema, halo buska ba ema nia domisilariu/hela fatin no halo aprensaun ba ema nia sasan, so tribunal mak iha kompetensia ne’ebe buska no apreensaun iha LM nia uma tuir lei tribunal imediata libertadu”, dehan Fernando Lopes de Carvalho ba Jornalista iha edifisiu Polícia Científica de Investigação Criminal (PCIC), kuarta 18/01/2023.

Defensor ne’e aumenta, bazeia ba prosesu penal Timor-Leste nian hatete apreensaun no buska ne’e tenki pormanda tribunal ne’ebe la tuir lei ne’e nia kliente livre ona ne’ebe prosesu bazeia ba despaisu husi tribunal nia ne’e mak rekonese, buska no apreensaun ne’ebe maka halo ba arguidu ne’e illegal la tuir lei, entaun tribunal deklara nulu dehan katak la vale tuir lei ne’ebe halo hasoru arguidu LM.

Nia hatutan, Tribunal hatete kapturasaun foin dadauk halo ne’e ilegal, tanba arguidu mai aprezenta an iha ne’e sira ba halo aprensaun no  buska iha rezidensia signifika ekipa buska  ne’e illegal no tuir defeza nia hare ba dezisaun tribunal nian merese tanba hanesan lisaun ida ba futuru katak buat sira ne’e tenki manda husi tribunal.

Repotajen: Marcela Lémos & Antonio Altamirando