Mudansa Orariu Jogu CPLP ! Timor-Leste Kontra Cabo Verde Adia Ba Aban
Imagem : Delegasaun Cabo Verde iha Estádiu Munisipal Dili
SAPNewsTL, Dili : Komisaun organizador ba jogu Comunidade Países (CPLP) atualiza mudansa orariu ba jogu ho modalidade futebol, hafoin rona preokupasaun husi ekipa haat husi nasaun Portugal, Cabo Verde, Angola inklui Timor-Leste.
Marciana Da Conceição – SAPNewsTL
Komisaun Organizador ba Jogu CPLP modalidade futebol Jose Campos hateten, alterasaun oráriu jogu CPLP modalidade futebol hafoin rona preokupasaun hosi kada ekipa husi nasaun Portugal, Cabo Verde, Angola inklui Timor-Leste
“Alterasaun ba oráriu jogu futebol laos laiha razaun tanba ami rona hotu ona preokupasaun husi ekipa Portugal, Cabo Verde no Angola inklui Timor-Leste tanba jogu ne’e kuaze loron-loron entaun sira laiha tenpu atu rekupera no deskansa nune’e sira fo alternatif ida atu nune’e hotu-hotu iha desizaun definitivu ba mudansa jogu”. Dehan Komisaun Organizador ba Jogu CPLP modalidade futebol Jose Campos ba Jornalista sira liu husi konferensia imprensa iha CCD, (21/07/2025).
Jose Campos salienta, jogu futebol Timor-Leste kontra Cabo Verde ne’ebe tuir lolos sei realiza ohin (21/07) muda ba loron aban loron 22, tuku 19:00 orasa tl no sei iha jogu tuir mai Portugal kontra Angola iha tuku 21:00 oras tl iha loron hanesan.
“Iha reuniaun forum nia desizaun iha ne’ebe tuir lolos Timor-Leste kontra Cabo Verde maibe iha ona alterasaun no ohin laiha jogu no jogu Timor-Leste kontra Cabo Verde sei halao iha loron 22 ho oras 19:00 no sei iha jogu tuir fali Portugal kontra Angola iha oras 21:00 kalan”.
“Iha loron 23 laiha jogu no jogu sei halao fali iha loron 24 jogu entre Angola kontra Timor-Leste iha 19:00 kalan no iha 21:00 Portugal sei joga konta Cabo Verde, faze grupu ne’e remata iha loron 24 no loron 25 laiha jogu”.
Jogu futebol ba terseiru luga sei realiza iha loron 26 fulan jullu iha kampu futebol Becora tuku 13:00 oras tl no jogu final ba primeriu lugar realiza iha Stadium Dili oras 16:00 oras tl.
“Jogu sei halao fali iha loron 26 hodi haree ekipa ne’ebe sai terseiru lugar ba jogu final ne’ebe sei halao iha kampu futebol Becora iha oras 13:00 meiudia. Jogu final ba primeiru lugar sei realiza iha Stadium Dili iha oras 16:00 loraik”.