PM Xanana Deklara Hasai Membru PNTL Ne’ebe Tama Ona Idade Reforma
Imajem : Primeiru Ministru Kay Rala Xanana Gusmão iha Palasiu Presitente Nivolau Lobato, Dili,20/03/2025. Foto : Media PR
SAPNewsTL, Dili : Xefe Governu Kay Rala Xanana Gusmão hateten, Governo Liu husi Ministerio Interior sei hasai membru Polisia Nasional Timor-Leste (PNTL) ne’ebe idade liu ona.
Xefe Governu Kay Rala Xanana Gusmão hato’o lia hirak ne’e hafoin hala’o enkontru semanal ho Presidente Repúblika José Ramos Horta iha Palasio Presidensial Nicolau Lobato Bairo -Pite Quinta-Feira ne’e.
“Orse’ik, ami mos hasai rezolusaun ida kona ba promosaun tranzitóriu iha Polísia. Polisia tinan ida ne’e halo 25 anos tanba laiha sistema ida ita haree katuas sira husi kedas 2000-2002, sira nia servisu maka nune’e hela deit ne’ebe horseik ami diskute no haree ba ida ne’e”.Dehan Primeiru Ministru Xanana Gusmão iha Dili, 20/03/2025.
Primeiru Ministru hateten membru PNTL balun ne’ebe servisu kleur ona maibe governu nunka rekonhese nia servisu maske idade ona.
“Estadu dehan ba servisu iha ne’ebá, selu ba servisu, servisu ho diak, buat sira ne’e tenki rekonese uituan”. Dehan Nia
Tuir Primeiru Ministru, lolos ne’e promosaun tranzitóriu sei hala’o antes dia 27 ne’ebe loron Nasional PNTL komemora ba dala 25 existe iha Timor Leste.
“Depois selebra 25 anos maka Ministerio Interior hamutuk ho Komando PNTL atu haree, se mak idade atu reforma. reforma dadaun ona”. Informa Primeiru Ministru Kay Rala Xanana Gusmão
Entertantu, antes ne’e Governu liu husi reuniaun Conselho Ministru iha Palasio Governu, iha loron iha 29 Maiu 2024 aprova prozetu revizaun ba dekretu Lei Numero 69/2022, 28 Setembru aprezenta husi Ministru Interior Francisco da Costa Guterres kona ba estatutu profesional PNTL.
Jornalista : Vinsensius Saldanha Morais De Araujo
