PM Xanana Husu HDP Hari’i Damen & Lori Moris Di’ak Ba Mundu
Imajen : Atual membru House Democracy Partnership (HDP), Nick Rahall ho Erik Paulsen, iha Palásiu Governu, segunda (24/06/2024)
SAPNews TL, Díli – Primeiru-Ministru Kay Rala Xanana Gusmão husu eis membru Parlamentu Estadus Unidos Amerika (EUA) atual membru House Democracy Partnership (HDP), Nick Rahall ho Erik Paulsen. hodi hametin relasaun ho Timor-Leste, no harii dame iha mundu
Iha sorumutu ne’e Primeiru-Ministru (PM) Kay Rala Xanana Gusmão, enkoraja House Democracy Partnership (HDP), hanesan mos eis membru Parlamentu Estadus Unidos Amerika (EUA). Nick Rahall ho Erik Paulsen, atu hametin relasaun ho Timor-Leste, no hari’i dame iha mundu hodi bele fo moris diak ba povu
“Primeiru-Ministru husu no enkoraza House Democracy Partnership atu kontinua hametin relasaun ho Timor-Leste hodi hari’i dame iha mundu”, Dehan Xefi Governu Kay Rala Xanana Gusmão ba jornalista sira hafoin enkontru ho House Democracy Partnership (HDP), Nick Rahall ho Erik Paulsen, iha Palásiu Governu, segunda (24/06/2024)
Entretantu, House Democracy Partnership Nick Rahall hateten, nia parte ho felisitasaun kontente, tamba direitamente bele hasoru malu ho Primeiru-Ministru Kay Rala Xanana Gusmão, hodi rona vizaun, Xefi Estadu nian liga ba demokrasia, transparensia no desenvolvimento iha asuntu oi-oin.
“Ami kontenti bele mai hasoru PM Timor- Leste nian Xanana Gusmão. Ami mai husi House Democraci Partnership ne’ebe kria ona relasaun ho Parlamento Nacional (PN) durante tinan sanulun ona, ami koko hadiak fila fali nia relasun ho Parlamento Nacional no mos Timor -Leste liu-liu liga ba setor importante sira hanesan demokrasia, transparensia no desenvolvimento, oinsa atu fo moris diak ba povo Timor- Leste”.
Nia akresenta, Xefi Estadu hato’o mensajen ba sira atu kontinua hametin relasaun ho Timor-Leste hodi hari’i dame iha mundu tomak. durante ne’e, House Demokrasia Partnership fó apoiu tékniku bá Parlamentu Nasionál Timor-Leste nian no fasilita deputadu ho funsionáriu sira hodi bá hala’o estudu komparativu iha EUA.
“HDP apoiu ba Parlamento Nasional mak liu husi apoiu iha tekniku, ami lori membru Parlamento balun no mos funsionariu Parlamento nia ba halo estudo iha Amerika hafoin remata estudu sira mai fahe esperiensia matenek balun ba deputado sira ou membro Parlamento Nasional sira hotu iha uma fukun PN” Nick Rahall hakotu.
Jornalista : Dircia Baptista Belo