PN Husu Labele Altera Subsídiu Saláriu 13, Lei Tenki Benifisia Sidadaun Hotu

SAPNewsTL, Dili : Prezidente Komisaun A trata asuntu justisa no konstituisionàl Deputada Carmelita Caetano Moniz hateten Governu labele halo alterasaun subsídiu salariu ba 13 Funsionariu Pùbliku sira hotu, Hanesan foin lalais liu husi reunian Konsellu Ministrus Fidelis Leite Magalaens deside katak altera subsídiu ba Salariu 13 liliu ba Funsionarius pùblikus ne’ebe mak salariu dèzimu terseiru Mez durante 2012 ate agora

Prezidente Komisaun A ne’e hateten, Governu tenke aprova fali Dekretu-Lei ida ba implementasaun OJE 2022, tanba Dekretu-Lei ba implementasaun OJE 2022 labele kontra iha lei Orsamentu geral do estadu 2022.

“Labele hasai tanba ida ne’e direitu Funsionarius pùblikus sira nian ne’ebe sira simu tinan naruk ona ne’e labele, ita halo lei ne’e atu fo benifisia ba ema ita labele halo lei para atu prejudika ema nia moris ne’e labele kontra prinsipiu de direitu, Governu labele halo alterasaun ba ida ne’e tanba osan ida ba dèzimu terseiru Mez gaji 13 ba Funsionarius pùblikus hotu ne’e aprova tiha ona iha Orsamentu geral do estadu 2022, ne’e hanesan lei ida.” Dehan Prezidente Komisaun A Deputada Carmelita Caetano Moniz ba Jornalista sira iha resintu Parlamentu Nasional, Dili segunda, (5/12/2022)

Deputada ne’e akresenta osamentu $ 200 dolares subsídiu ba povu vuniravel sira ne’e buat ketak ida labele tau hanesan ajudus husi Governu ida, hakarak fo ba povu sira ne’ebe vuniravel ho trablhadores sira ne’ebe nia rendimentu menus de $ 500 dolar.

“Buat rua lahanesan ida subsídiu ba povu kibit laek ho rendimentu menus husi 500 dolares, iha Dezembru ne’e subsídiu ajuda sosial, ida fali direitu Funsionarius pùblikus para atu simu dèssimu terseiru Mez, se Governu halo ida ne’e Governu kontra prinsipiu de direitu, Governu halo Dekretu-Lei ida ne’ebe kontraria fali ho Lei Governu, labele halo fali Dekretu-Lei ida para prejudika ema nia direitu, halo lei tenke fo benifisiu ba ema, Governu la iha liu razaun atu halo ida ne’e.” nia sublinha

Enterntantu Prezidente Komisaun A mos husu ba Governu halo pagamentu ba Funsionarius pùblikus sira hotu ba sira nia salariu ho dèzimu terseiru Mes, katak trablhador sira iha mos direitu ba dèzimu terseiru Mez, favor osan sei iha hela selu ema nia direitu tanba osan ida 3.2 Bilhoes ne’e iha ne’ebe foin gasta de’it 47,4 %.

Enkuantu, Antes ne’e Guvernu liu husi Sorumutu Ordinaria iha Palasiu Governu semana kotuk, Konsellu Ministru (KM) aprova alterasaun ba diploma ne’ebe aprova husi, konsellu ministru iha sorumutu loron 9 fulan novembru tinan 2022 kona-ba pagamentu extraordinaria ba salariu adisional fulan ida nian

“Ho alterasaun ne’ebé aprova sei iha direitu ba pagamentu ne’ebé reflete ba funsionáriu sira, ajente Administrasaun Públika no mós traballadór ba Administrasaun Públika kontratadu termu sertu ho saláriu ne’ebé ki’ik husi dolar amerikanu 500 ne’ebé la presta atividade profisionál iha gabinete ministeriál sira”.Dehan Ministru Prezidensia Konsellu Ministru, Fidelis Manuel Leite Magalhaens ba Jornalista sira, hafoin remata reuniaun ordinaria, iha Palásiu Governu, Sesta (02/12/2022).

Jornalista  : Ermelinda Soares

Editor         : Ekipa Editorial