PN Konsidera Kompanha Ne’ebe Distribui Sexta Bazika Barak Malandru

SAPNewsTL, Dili – Relasiona ho Projetu Sexta Bazika ne’ebe kompanha sira distribui ba komunidade sira ne’ebe iha fatin barak produtu sira fuhuk, namlaek, dodok no folin la to’o $ 50 ba kada ema, Prezidente Parlamentu Nasional (PPN) Aniceto Longinhos Guterres konsidera Kompanha ne’ebe distribui Sexta Bazika ne’e barak  malandru

“Kompania sira ne’ebe Fahe Cesta Bazika ne’e barak mak malandru, tanba ne’e governu tenki fiskaliza didiak kompania sira ne’e, programa ida Sexta Bazika ne’e i deputadus tenki ba fiskaliza ba kompania ho governu hotu dala ida, lahatene kompania deit mak malandru ou governu mos malandru hotu”, Sublinha PPN Aniceto Guterres iha plenaria (PN) Segunda (05/12).

Tuir Bankada Partidu CNRT Domingos Carvalho konsidera Ministeriu Turizmu Komersiu no Induztria (MTKI) ne’ebe halo konta ba Sexta Bazika ida agora daudaun ne’e, nia hare’e komunidade sira simu naan falun ne’e nakonu ho ular barak

“Ministeriu Turizmu Komersiu no Induztria (MTKI) ne’ebe halo konta ba Sexta Bazika, ha’u hare’e komunidade sira simu naan falun ne’e nakonu ho ular barak, kompania Manan nain ba Sesta Bazika nian ne’e tenki halo sasan ho lolos labele ba oho ita nia populasaun sira”. Dehan Domingos Carvalho iha plenaria (PN) Segunda (05/12).

Deputadu ne’e husu distribui aifuan seluk, labele fahe haas tanba haas matak so halo kabun moras, la kusta buat ida bainhira kompania manan tender ba sexta bazika ne’e iha suku ida ne’ebe sura total komunidade ne’ebe simu sesta bazika ne’e kombina ho komunidade ne’eba, se mak faan karau pelumenus hola karau to’o lima ne’en ida hanesan ne’e para oho kedas iha ne’eba butuk tiha depois tetu kedas mak tau ba iha plastik depois mak entrega kedas ba ita nia sidadaun sira ida atu simu Cesta bazika, la’os lori naan husi Dili ba to’o ne’eba naan ular tiha ona depois fo ba populasaun sira

Entertantu Deputada Helena Martins mos Lamenta ho Distruibuisaun Sexta Bazika Iha Munisipiu Baucau tanba Kompania ne’ebe fahe Sexta Bazika ne’e Fos Rai uituan deit depois sira kahur mos ho fos importadu nian,

“Ami lamenta ho distribuisaun Sexta-Bazika iha Munisipiu Baukau Tanba foos rai uituan no kahur ho fos importadu, fos Rai dalaruma rai kleur ona, fos mean sira tein sai fali ba batar ne’ebe implika ba fos ne’ebe kahur malu tiha ona, se ita nia produtu laiha ona la buat ida fo deit fos bainbain ne’e ami tein para la bele atrapalha fali ho ida ne’e” Tenik nia

Nia husu ba komanha sira hodi hadia iha ninia kualidade, kompania ne’e la’os ema bainbain mak manan balu veteranus sira mak manan tanba ne’e mak komunidade dehan sira reseu tanba ema veteranu sira atu hatete mos sira tauk

iha fatin hanesan, Deputada Irene Gonzaga konsidera governu nia programa Sexta Bazika ne’e diak, maibe ba kompania sira ne’ebe manan nain no hetan tender sira mak halo fali manipulasaun, buat ne’ebe governu tau $ 50 dolar, maibe dalaruma sira tau la to’o 50 dolar, mais Ou menuz to deit $ 35 dolar ida hanesan ne’e ba ida ne’e mos lae , dalaruma 20 ou 15 dolar deit

“Ha’u husu ba ministeriu relevante atu hare’e asuntu  Sexta bazika ne’e bele tun direita hodi hare’e direita kuandu kompania sira fahe sasan, tanba ita nia governu hakarak buat ne’ebe diak, maibe kompania sira ne’ebe hetan tender sira mak halo fali azjineiras oioin, depois ita nia povu sira mak hakilar oioin dehan ita nia governu mak halo maibe lae”. Hatete nia

Jurnalis : Ermelinda Soares

Editor    : Ekipa Editorial