Simu Karta Kredensial, Japaun Sei Apoia Dezenvolvimentu Greater Sunrise
Imajen Presidente Republika Jose Ramos Horta hasoru malu ho Embaixador Foun Japaun Kimura Tetsuya iha Palasiu presidensial Nicolau Lobato Bairo-Pite, 05/12/2022. Foto : Media PR
SAPNewsTL, Dili : Embaixador Foun Ba Timor Leste, Kimura Tetsuya entrega karta kredensial ba Presidente da Republika Jose Ramos Horta iha Palasiu presidensial Nicolau Lobato Bairo-Pite Segunda-feira ne’e.
“Ohin Presidente da Republika simu karta kredensial husi embaixador foun ba Timor Leste Sr. Kimura Tetsuya hodi substitui Embaixador sesante Masami kinefuchi”.( dehan Vice-Ministru Negosios Estranjeiro no Ko-operasaun (MNEK) Julião da Silva iha Palasiu Presidensial Bairo-Pite Segunda feira ne’e 5/12).
Tuir Vise-Ministru Negosios Estranjeiro no Ko-operasaun (MNEK) Juliao Da Silva hateten Embaixador KIMURA laos foun ba Timor Leste nia mai iha Timor Leste ba daruak ona.
Imajen Intervista Vise Ministru Negosios Estranjeiro no Ko-operasaun (MNEK) Julião da Silva
“Uluk nia mos hanesan funsionariu diplomata embaixada japaun ninian iha Timor Leste, tinan 20 Liu ba kotuk wainhira hahu Restaurasaun ita nia Independensia. Agora dadauk nia fila fali mai sai hanesan xefe misoes ninian ba Japaun iha Timor Leste”.( haktuir (V-MANEK).
Aleinde ida ne’e, Kimura mos ko’alia ho Presidente da Republika kona-ba oinsa koperasoes bilaterais entre Pais rua Timor Leste ho Japaun liliu apoio sira ba sektor edukasaun, Saude, Agrikultura no sektor sira seluk.
Entertantu, Governu Japaun sei apoio Timor Leste nia Adezaun ba Asean, aumesmo tempu mos Presidente Da Republika mensiona kona-ba kontinuasaun de apoiu husi Governu Japaun nian ba Desenvolvimentu ekonomiku, Desenvolvimentu Greater Sunrise iha Timor Leste
Jornalista : Vinsensius saldanha Morais De Araujo