Polémika UNITAL ! FUNATIL La Tolera, Aban Estudante Halo Komunikadu

SAPNewsTL, Dili – Relasiona ho Movimentu Estudante Universidade Oriental Timor Lorosa’e (UNITAL) ne’ebe antes ne’e, preokupa kona ba atual Magnifiku Reitor UNITAL Joaquim de Jesus Vaz ne’ebe ho grau lisensiatura(S1) lidera UNITAL tanba sira konsidera la prense lei regime carreira dos docentes.

Tuir Portavoz Silvester Freitas hateten, polémika ida ne’e sai hanesan problema bo’ot ne’ebe implika ba sistema iha universidade hodi difikulta prosessu aprendijazen, tamba bazeia ba baze rejime careira dos dosente ne’ebe hateten, lisensiatura (S1), kriteria universidade la autoriza pessoa ho grau lisensiatura (S1) atu sai hanesan professor ou asume kargu magnifiku reitor.

“Sistema universitáriu nian bazeia ba Lei Regime Carreira dos Docentes nian ne’ebe dehan katak lisensiatura (S1) labele hanorin sa tan asumi kargu hanesan Magnifico Reitor, ami estudante la konkorda lisensiatuza (S1) atu asumi kargu hanesan Magnifiku reitor ba mandatu tinan tolu(3), grau lisensiatura (s1) la merese hetan asinatura husi nivel lisensiatura (S1)”. Dehan, Silvester Freitas liu husi, Komunikadu Imprensa ne’ebe hala’o iha resintu, UNITAL, Tersa, (23/07/2024)

Relasiona ho ezijénsia ne’e, Estudante sira tenta atu halo komfirmasaun no diálogu ho Presidente Fundasaun Aswa’in Timor Lorosa’e (FUNATIL) Cornelio Ximenes “Maunana” maibe infelizmente seidauk konsege tur hamutuk hodi solusiona preokupasaun estudante sira nian.

FUNATIL liu hosi Presidente Fundasaun Cornelio Ximenes “Maunana” hatun karta sirkular ida hodi bandu no fo zero toleránsia ba Estrutura Reitoria, Dekanu Fakuldade, Xefe Departamentu, Funsionáriu sira liliu estudante sira katak labele halo ona komunikadu imprensa, diálogu no demostasaun iha resintu kampus UNITAL.

“Apela ba Estrutura Reitoria, Dekanu sira, Xefe Departamentu sira, Funsionáriu sira liliu estudante sira katak laiha tan ona atividade komunikadu imprensa, diálogu no demostrasaun iha kampus UNITAL, se mak la kumpre maka sei hetan kapturasaun husi parte seguransa hodi prosesa tuir lei tanba ne’e kria instabilidade iha resintu UNITAL”. Sita iha karta sirkular ne’ebe asina husi Presidente FUNATIL Cornelio Ximenes “Maunana” iha loron, 03 Agustu 2024

Entretantu, Senadu Geral Estudantil UNITAL Guilherme da Silva sita liu hosi nia karta sirkular ho númeru referénsia 01/SGE/UNITAL/2024 alerta ba estrutura fakuldade no xefe departamentu sira no dosente sira katak seidauk iha solusaun ba preokupasaun ne’ebe estudante sira hato’o maka sira sei blokeia total atividade akadémiku no la autoriza atu realiza judisium no graduasaun hahú husi segunda feira(05 fulan Agustu 2024) to’o hetan solusaun.

“Senadu Geral Estudantil UNITAL informa ba Dekanu sira, Xefe Departamentu sira, Dosente sira katak seidauk iha solusaun ba ezijénsia ne’ebe iha, maka estudante hotu sei blokeia total atividade akadémiku, la autoriza realiza judisium no graduasaun hahú husi segunda-feira (05/08/024)”. Senadu Geral Estudantil UNITAL Guilherme da Silva sita liu hosi nia karta sirkular ho númeru referénsia 01/SGE/UNITAL/2024. Dili, 03/08/2024.

Enkuantu, tuir informasaun ne’ebe SAPNews asesu katak problema refere seidauk hetan solusaun tanba diálogu ne’ebe atu realiza iha loron 2 Agustu 2024 ne’e kansela.

Nune’e, aban (segunda-feira, 05/08/2024), estudante UNITAL sei halo komunikadu imprensa liga ba sira nia ezijénsia ne’ebe hato’o ija loron 23 Fulan Jullu 2024 kona ba Grau Magnífiku Reitor UNITAL ne’ebe ho grau lisensiatura maibe hetan konfiansa hodi lidera unital ba periodu tinan haat (2024-2028).

Notísia kompletu aban SAPNews sei tun halo kobertura ba asuntu komunikadu imprensa husi Estudante UNITAL.

Jornalista : Marciana da Conceição