Portugal Halakon Timor-Leste Iha Modalidade Taekwondo Maskulinu
Imagem : Jogador vensedor sira simu medalla iha GMT Dili, 21/07/2025
SAPNewsTL, Díli : Atleta Gustavo Valentim da Conceição Fernandes husi nasaun Portugal susesu halakon atleta Nellio do Santos Martins iha klase under 55kg husi Timor-Leste.
Tuir observasaun Média SAPNews iha terenu katak iha kompetisaun ne’e, atleta sira mosu ho espiritu kompetitivu, Gustavo Fernandes hatudu nia tékniku no esperiénsia iha ring.
Entretantu, Nellio do Santos mós hatudu performansia ne’ebé forte hodi representa Timor-Leste hosi inisiu to’o remata maske hetan derrota.
Rezultadu jogu Taekwondo Masculino -55kg iha Jogos CPLP hatudu Gustavo Valentim da Conceição Fernandes hosi Portugal sai primeiru lugar, Nelio dos Santos Martins hosi Timor-Leste sai segundu lugar no no Lauren Cristiano Mabote hosi Moçambique sai terseiru lugar no Domilde J. do Céu Flavio Fernando hosi Angola sai kuartu lugar.
Iha kategoria 55 kg mane nian, Timor-Leste hetan medalla osan-mutin ida, enkuantu Angola ho Mozambike hetan medalla osan-metan. Iha kategoria 46 kg feto nian, Portugál manán medalla osan-mutin ida, enkuantu Angola ho Mozambike manán medalla osan-metan.
Rezultadu Medalla Taekwondo manan Osan Mean maka feto ho 46 kg hosi Timor-Leste, mane ho 55 kg hosi Portugal. Manan Osan Mutin feto 56 kg hosi Portugal no mane 55 kg hosi Timor-Leste.
Manan osan metan feto ho 56 kg hosi Angola, feto 46 kg hosi Mozambike, Mane – 55 kg hosi Angola no Mane ho 55 kg hosi Mocambiqque.
