Portugal Soke Turkia Ho Skore 3-0, Adeptos Selebra Ho Komboiu
Imajem : Adeptos Timorences em Dili, 23/06/2024. Foto : ID Facebook Joselino
SAPNewsTL, Dili – Relasiona ho Kopa Europa tinan 2024 iha faze dahuluk, Ohin madrugada Portugal konkista vitória soke Turkia ho skore 3-0.
Resultadu refere halo adeptus Portugal iha Timor-Leste ho laran ksolok no gratidaun selebra vitória ne’e ho komboiu hodi haleu sidade Dili.
Iha komboiu refere, sidadaun Timor oan sira ho bandeira Portugal no Bandeira Timor-Leste la’o tuir dalan públiku hodi haksolok no haklalak hamutuk tanba sira nia fans manan iha jogu.
Iha biban halo komboiu ne’e, adeptu sira dehan, “Viva Portugal, forsa Portugal, vamos Portugal”. Jornalista SAPNews akompanha iha terenu. Dili, 23/06/2024
Imajem : Cristiano Ronaldo fo asisténsia ba Bruno Fernandes hodi marka golu hasoru Turkia iha minutu 55. Loron 23/06/2024
Portugal konkista vitória hasoru Turkia ho skore 3-0 ohin madrugada, golu 3 ne’ebe Portugal hetan ne’e mai husi golu ida husi Bernardo Silva iha jogu parte dahuluk (minutu 21), OG iha jogu parte dahuluk (minutu 28) no golu ida husi Bruno Fernandes iha jogu parte daruak (minutu 55).
Entretantu, iha jogu tuir mai Portugal sei hasoru Nasaun Georgia iha loron 27 Junhu, antes ne’e rezultadu jogu entre Turki no Georgia hatudu Turki manan ho skore 3-1, Repúblika Ceko kontra Georgia ho skore 1-1 no portugal manan Repúblika Ceko ho skore 2-1.
Enkuantu, valor provizóriu husi Grupu F iha Kopa Euro maka Portugal hetan Valor 6 (Golu 5), Georgia hetan valor 1 (golu 2), Turkia hetan valor 3 (golu 3) no Repúblika Ceko hetan valo 1 (golu 2).
Jogu Kopa Euro 2024 ne’e abertura iha loron 14 Junhu no Jogu ne’e sei la’o durante fulan ida, tuir oráriu jogu ne’e sei finaliza iha fulan jullu nia klaran.
Jornalista : João Marito