Profissionaliza Jornalista ! UNPFA Selebra Akordu Ho AJTL

SAPNewsTL, DILI – United Nation Population Fund(UNPFA), no Assosiasaun Jornalista Timor-Lorosa’e (AJTL) assina Memorandum  of Understanding(MoU), Objetivu husi akordu ne’e hodi kapasita Jornalista sira iha area saude seksual no reprodutiva iha Timor-Leste.

Iha diskursu, Representante UNFPA Presia Arifin haktuir katak UNFPA ho AJTL sei kolabora hamutuk hodi hodi aproveita rede Jornalista hodi halo kobertura ba saude seksual no reprodutiva ba populasaun sira

“Kolaborasaun estratéjiku ida ne’e aproveita rede jornalista ne’ebé boot iha AJTL nia laran, ne’ebé kobre plataforma media oi-oin, no kombina ida ne’e ho esperiénsia espesializadu husi UNFPA nian iha direitu ba Saúde Seksuál no Reprodusaun ba populasaun sira”.

“Sei koalia asuntu kritiku sira kona-ba saúde maternal, prevensaun ba Violénsia Bazeia ba Jéneru, empoderamentu no envolvimentu foinsa’e, idade populasaun no dizeminasaun servisus no informasaun ba direitu saúde seksuál no reprodutiva ba populasaun sira ne’ebé ladun hetan atendimentu”.Dehan Representante UNFPA Presia Arifin, iha nia diskursu, Sexta-feira(13/10/2023)

 

Nia salienta katak media nia papel mak atu dezimina informasaun tanba ne’e UNFPA presija tebes media hodi hala’o nia misaun iha Timor-Leste

“Presija kolaborasaun ho AJTL tanba ami hatene media nia papel importante tebes hodi dezimina informasaun sira kona-ba isu Juventude, maternidade inan nian no isu foun ne’ebe mak akontese. Tanba ne’e ami presija media sira atu fo informasaun ne’ebe mam kredivel no impersonal ba publiku”.Nia haktuir

Iha fatin hanesan, Presidente Assosiasaun Jornalista Timor-Leste (AJTL), Zevonia Vieira apresia tebes ba kolaborasaun ne’ebe mak UNFPA halo, ne’e primeira ves ne’ebe mak foka liu kona-ba saude feto nia, ne’ebe mak UNFPA ho AJTL halo no oinsa mak halo kobertura ba violensia bazeia ba generu.

“Importante tebes media nia kobertura ne’e atu halo advokasia hodi muda ema nia hahalok no mos influensia ba ukun nain sira nia desijaun atu halo protesaun ne’ebe mak diak liu tan ba grupu vulneravel sira”Nia hateten

Liderança AJTL ne’e informa katak kolaborasaun ne’e atu koopera hodi hasa’e konhesimentu Jornalista sira ba isu saude sira, ne’e importante tanba kobertura ba saude nian ne’e sei menus, entaun husi kolaborasaun ne’e bele hasa’e liu tan kobertura ba asuntu saude nian

 

Jornalista: Marcela Mery da Costa