Promove Talentu Jovens ! Abílio Sei Kontra Gamboa
Imajem : Revolta Combat realiza face to face ba atleta sira iha GMT, Dili, 13/11/2025
SAPNewsTL, Dili : Revolta Combat sei realiza eventu boxing iha GMT Dili hodi fo biban no espasu ba atleta timoroan sira hodi fomenta no promove sira-nia talentu, nune’e bele prepara futuru atleta ne’ebe profissional, kompetitivu no kualidade.
Ermelinda Soares & Daniel da Silva – SAPNewsTL
Chief Executive Officer (CEO) Revolta Combat Xander Serrano deklara Revolta Combat realiza eventu boxing ne’e hodi promove atleta timoroan sira hodi hatudu sira-nia abilidade iha públiku nia matan.
“Durante ne’e atleta timoroan barak maibe laiha oportunidade ba sira, sira-nia naran ema la temi no la hatene, entaun Revolta Combat realiza eventu ne’e hodi sira bele hatudu sira-nia skill”. Hateten Chief Executive Officer (CEO) Revolta Combat Xander Serrano iha GMT Dili, 13/11/2025
Atleta El Matador Boxing Club, Abílio Orlando afirma nia parte prepara ona semana ida, nune’e nia sei hasoru Belarmino Ximenes iha ring leten.
“Ha’u honestu katak ha’u prepara semana ida deit, ha’u fiar katak aban kalan ring ida ne’e sei lakan, ha’u hakarak han nia iha ring leten”. Nia deklara
Ligadu ho deklarasaun ne’e, Atleta Bidau Toko Baru Boxing Club, Belarmino Ximenes “Gamboa” deklara nia parte preparadu hodi enfrenta nia adversáriu Abílio Orlando hosi El-Matador.
“Aban, ha’u-nia liman ne’e sei kona nia no nia sei monu”. Gamboa garante aban sei halakon Abílio Orlando iha ring leten.
Belarmino Ximenes “Gamboa” ho nia kilo hamutuk hitunulu resin ida (71) no Abílio Orlando ho nia kilo neenulu resin tolu (63).
Atleta ne’ebe sei partisipa iha eventu boxing ne’e mai hosi boxing club oioin no akumula boxista liu na’in rua nulu.
Eventu boxing ne’e organiza hosi Revolta Combat, iha ne’ebe sei realiza iha loron aban, 14 Novembru 2025 iha GMT Dili.