Provizóriu, Portugal Lidera Tabela Klasifikasaun Ho Medalla 13, TL Okupa Pozisaun Daruak
Imajem : Vensedor sira simu medalla Iha GMT, 22/07/2025
SAPNewsTL, Dili : Daudaun ne’e nasaun Portugal provizóriu lidera tabela klasifikasaun jogu CPLP 2025 ho medalla 13.
Augusto dos Santos – SAP News TL
Jogu CPLP ba dala XII ne’ebe tama ona ba loron lima, rezultadu medalla ne’ebe atleta husi nasaun CPLP kompete to’o ohin loron iha ona rezultadu provizóriu.
Tuir dadus ne’ebe media SAPNewsTL asesu husi komisaun organizador ba jogu CPLP 2025.
Rezultadu hatudu ona Portugal lidera ho medalla 13, osan mean sia, osan mutin.
Okupa pozisaun daruak maka husi nasaun Timor-Leste ho medalla hitu, osan mean rua, osan mutin ida no osan metan haat.
Iha pozisaun datoluk husi nasaun Angola ho medalla hitu, osan mean ida, osan mutin rua no osan metan haat.
Okupa pozisaun dahaat husi nasaun São Tomé e Principe ho medalla rua, osan mean ida no osan mutin ida.
Iha pozisaun dalimak husi nasaun Cabo Verde ho medalla ualu, osan mutin haat no osan metan haat.
Okupa pozisaun ikus liu husi nasaun Moçambique ho medalla tolu, osan mutin ida no metan rua.
Rezultadu ba medalla daudaun ne’e atleta sira hetan liu husi jogu atletizmu no taekwondo.
Jogu ne’ebe seidauk tama ba faze final mak xadres, Voleibol, basketebol, futebol, tenis kampu no karate.Rezultadu ba medalla ne’e sei iha mudansa bainhira tama ona ba loron ikus.
